خبر عاجل

محروق نيوز-عمّان,الأردن

تفاجئ عالم المدونات صبيحة هذا اليوم بوجود صديقة جديدة انضمت إلى عالمنا,وقد تبين لي عند قرائتي لتدوينتها الأولى من أنها ستحمل الفرح والتفاؤل معها (هيك هي كاتبة انه مدونتها ح تكون مكان للمتفائلين)

الخلاصة .. رحبوا لو سمحتم بأختنا الجديدة .. سامية أبوكويك

ملاحظة : سامية هي واحدة من ضحايا البوليتكنك, وزميلتي بمشروع التخرج

hello world

صباح/مسا الخير للكل
وكل عام وانتم بألف خير .. وأضحى مبارك ان شالله

يمكن غبت كتير عنكم هالمرة .. وما بعرف اذا شتقتولي متل ما شتقتلكم أو لآ :)

أشياء كتيرة صارت معي بهالفترة .. أهمها إني صرت اشتغل بمجلة "مجلتنا" التابعة لمجموعة الفريدة = (ليالينا وشلتها)
صرلي بحدود 7 أشهر معهم حتى الآن :) .. بس ما بشتغل ك مصمم او ديزاينر او كزا .. لآ أتقل بشوي .. هههه
مممم .. انا عضو كاتب فيها ومراسل صحافي.
والحمدلله مبسوط كتير اني عم بنجز اشي اضافة لدراستي

و ع سيرة الدراسة والجامعة .. يللا جهزولي حالكم على حفلة تخرجي هالصيفية ان شالله .. ان شالله بشهر 6 بكون ودعت الجامعة وخلصت .. والتخرج بكون بشهر 7 ان شالله
بتعرفوا شغلة .. مع انه قديش كنت احكي عن جامعتي .. بس بحبها .. وهال4 سنين اللي مضيتهم فيها .. اكيد ما بيتعوضوا .. وما اظن اني كنت رح انبسط لو كنت بغير جامعة
أكتر شي انا مبسوط منه .. هو اني طلعت بأغلى ثروة بالدنيا .. وهي صحابي اللي صرنا اقوى شلة .. واكتر من اخوة .. احنا توائم بعض !!


أشياء كتيرة كمان صارت معي .. في منها بينحكى ومنها لآ P:
hehehehehehehe

حابب أوجه تحية كبيرة لويسبر .. لآنها اكتر حدا كان يستفقدني .. مع انها ما عادت تبين بالفترة الأخيرة
(شوفوا مين بيحكي)

واكيد ما بنسى صاحبي الشيشاني .. وبقية شلة المدونين اللي انا جد مشتقلهم

كل عام وانتم بألف خير ان شالله .. وتقبل الله طاعتكم .. وأضحى مبارك :)

ال tag الثقافي .. بلشنا نردنة

مع بداية الدوام والفصل الجديد .. ويادوبنا عم نقول بسم الله , كلفتني الصديقة المبدعة فرح عصام بهالواجب ... انه احكي شوي عن الكتب اللي بقرأها

لهيك .. شكرا فرح لآنك تذكرتيني بهالواجب :)

اول اشي بدي اخبركم شغلة ... انا قارئ سيء .. لهيك نوعاً ما لا اجيد الكتابة .. لآنه الواحد لازم يقرأ كتير ليكبر مخزونه ويقدر يعبر صح عن الاشياء يللي بباله :)

نبلش ..

اكتر مرحلة كنت اقرأ فيها هي بالطفولة .. وبحكم اني الاصغر .. فالقصص كانت جاهزة .. اخدها من اخوي او اختي
هلق قرأت قصص كتير .. بس الاسماء اللي عالقة ببالي
عقلة الاصبع .. المائدة السحرية .. الآميرة والبجع .. أليس في بلاد العجائب ( ماحبيتها وقتها لآنها كانت بالانجليزي وانا صغير) .. وقصص كتير تانية رايحة عن بالي هلق
بس في مجلات كتيرة كنت اقرأها .. ماجد و ميكي (كانت من اخوي ايام الكويت) .. وكنت اقرأ مجلة لونا .. ومجلة احمد ومجلة الرسام.

بالمدرسة .. كنا ع طول نستعار كتب بكل اسبوع كان لازم نستعير قصة أو كتاب ونلخصه.


الكتاب المشهورين اللي قرأت شوي من كتاباتهم .. وغصب عني - لآنه كان واجب بالمدرسة - ... هو طه حسين .. كتاب الايام الجزء الأول .. والصراحة اني ما حبيته كتير

أيام المدرسة كمان قرأت (قصص الانبياء) لابن كثير .. وقرأت (رجل لا يموت) .. كتاب عن الخضر عليه السلام

بعد التوجيهي .. اشتريت 3 روايات لآغاتا كرستي .. ولقيت الروايات حلوة
اكتر وحدة حبيتها كانت القاتل الخفي .. وكنت لوقتها مفكر اغاتا هي الافضل .. لكن اللي غيرلي هالفكرة هي "ربى حجازي" .. لآنها عارتني كتاب "شيفرة دافنشي" ..لدان براون
هي الرواية ممتعة جداً .. وع طول بتدهشني .. ولهيك قررت اكمل بقية سلسلة الروايات .. بس لما الاقي وقت :)

هي عملت الواجب اللي انطلب مني .. وان شالله اكون قدمت منيح !!

هلق دور اطلب من 3 انهم يعملوا الواجب ..

الأولى .. ربى حجازي

الثانية .. أم عمر

الثالثة.. وايت فريدم

RamaDan KAriM

من بعد غياب طويل ... يا ريت تكونوا اشتقتولي :)
الفصل تقريباً خلص .. وضايل 7 ايام وبعطل :)
مع انه هالفصل كان تقيل دم علي .. وخصوصي مع الدكاترة .. بس كمان في ذكريات حلوة !!

واكيد ما بنسى قرصة النحلة لهلق .. وصار عندي فوبيا منها .. منكون قاعدين بالمحاضرة ما بلاقي والا نحلة بتحوم حولي .. والشباب صحابي بيضحكوا .. ود.نافذ بيسألنا شوفي ؟؟

المهم ... حبيت أعايد عليكم بكم صورة من تصميمي :)

___________________

هاي الصورة .. مادخلها برمضان .. بس صورتها وانا مروح من الجامعة .. كنت ناوي اكتب عنها موضوع .. بس ماعرفت !!

شو تعليقكم ع الموضوع ؟؟؟

تحياتي

حدث في مثل هذا اليوم

احداث كثيرة حدثت في مثل هذا اليوم .. حروب وصراعات .. انقلابات عسكرية .. اكتشافات .. لن أطيل عليكم , الفيلم القصير سيفي بالغرض (من صنعي)!!







ملاحظة .. يمكن الصوت مش ملائم للفيديو .. بس هاد اللي زبط معي ... يارب يعجبكم :)

وما أدراك ما البوليتكنك ؟؟!! الجزء 2

يا جماعة اشتقنالكم .. مو شوي .. كتير والله .. بس فترة امتحانات هلق :)

قبل كم يوم قررت انا وصاحبي "شهاب" انه ندرس لامتحان التحليل الانشائي .. للاسف وقت البريك تبعنا بيجي بحدود 2 ونص .. ومع انه لازم المكتبة (المكان الوحيد المكيف واللي مسموحلنا نقعد فيه) تسكر بوابها ع ال3 ... ما بدخلونا لآنه الموظفين المحترمين بيهربوا .. فقررنا نقعد بسكوير بالجامعة .. واحنا مركزين وعم نحل.. في حشرة عم تجنني .. كشيتها وانا مركز
ورجعت احل ... بعد شوي حسيت كأنه انا المحقق "توغوموري" ... وكونان ضربني بهديك الابرة .. قلت لشهاب وانا بصرخ : انقرصت !!

قمت وقفت .. قللي لآ ما في اشي .. انا نفسيا اعتقد اني ما انقرصت مع اني عم اتوجع .. بعد شوي راح قللي ما تتحرك .. وانا وقع قلبي وصار بين رجلي .. طلعت النحلة عم تعمل جولة ع رقبتي ... وما بعرف كيف شالها شهاب وضربها :)

المهم .. ورحنا ركض ع الوحدة الطبية العتيدة اللي عنا .. وانا بقله مافي امل الساعة 3 ... سكروا .. قللي لآ الاسعاف لازم يضله شغال (مفكر حاله بعده بالامارات) ... وصلنا لقينا بالباب مسكر .. رح دقه وفتح .. انا رجعلي الامل .. دخلنا لجوا العيادة بس طلعوا مسكرين الباب الداخلي .. المهم شافنا موظف وشاف رقبتي قللي الشغلة مو مستاهلة .. حط توم عليها وبمشي الحال!! كنت بدي اقلله "بالله عليك" بس استحيت وضليت مكمل يومي للساعة 6 المسا .. ولما روحت ع البيت مرقت ع الصيدلية ووصفلي مرهم .. وقللي النحلة هاي دلوعة .. مش قارصتك منيح !!


السؤال من هالقصة .. شو الهدف من انه يضل دوام الطلاب لل6 .. وكل الموظفين بروحوا ع ال3 ؟؟؟
يعني لا مكتبة ولا تسجيل ولا عيادة .. ولا شؤون ولا حدا بكون مداوم غير احنا والدكاترة اللي عليهم محاضرات؟؟
طيب بركي حدا صار معه حادث عاجل بالجامعة شو يعمل؟؟
انا طلعت قصتي سليمة ومش هالقصة الكبيرة بس غيري لآ .. بتذكر صاحبي يللي مات بالهاشمية السنة الماضية والسبب لآنه الاسعاف تأخر عليه .. طيب شو يعملوا عنا اذا مافي اسعاف اصلا؟؟

ودمتم سالمين :(

وهاي صورة النحلة بعد ما قتلها شهاب

التخاطر .. والتقاطعات الشخصية

من فترة قصيرة تعرفت على شخصية للوهلة الأولى هي بعيدة جدا ً عني ..
لكن , بسرعة اكتشفنا انه بيناتنا تقاطعات خطيرة بتفاصيل نوعا ما دقيقة !!


مع اني درست موضوع التخاطر بمادة علم النفس / اختيارية .. الا انها وقتها ضلت متلها متل اي مادة نظرية
احفظ وامشي
وما تصورت ابدا انها تتطبق معي فعلياً

تصوروا انه التقاطعات تقريبا بنفس الماضي .. احداث بتسلسل غريب .. صارت عنا تنيناتنا مع انه ما كنا منعرف بعض
نفس احلام الماضي .. نفس الامور اللي ادت الى اعاقتها .. نفس المصادفات .. واللي صار عنا قناعة بأنها مش مصادفة

عنا نوعاً ما نفس الاهتمامات .. منحب نفس المدن .. عنا تقريباً نفس الهويات ..

الآمر تعدى الى اكثر من ذلك
بأنه .. صرنا نفكر بنفس الاشياء .. اما انه نحكي مع بعض عن نفس الشغلة .. او نفكر بنفس الطريقة ..

احيانا انظر للموضوع على انه مصادفة او تلاعب بالاقدار لا اكثر .. الا انني حين امعن النظر في الاحداث ادخل في دوامة لا تنتهي من الافكار والتساؤلات...

الموضوع مكركب شوي ومش عارف ارتبه .. بس هاد اللي طلع معي
تقلبلوا تحياتي :)

a-groupJORDAN

بوستر الافتتاح اللي رح اعمله بـ: 22,ابريل|نيسان 2010

▲►◄▼▲►▼◄▲►◄▼▲►▼◄▲►◄▼▲►▼◄

ان كنت تبحث عن حلول تصميم ابداعية ... ان كنت تبحث عن روح الابتكار
و تريد التميز والانفراد ...a-groupJORDAN تقدم لكم اكثر من ذلك !!!
web design - logo design - card design
motion design - Ads design - stationery design

▲►◄▼▲►▼◄▲►◄▼▲►▼◄▲►◄▼▲►▼◄

فريقنا:
احمد المحروق & اسلام سعادة

اتبعنا على الفيس بوك

" You have been tagged :D "

" You have been tagged :D "

it is a short message from whisper ..
I didn't understand it in the first time ...
but when I read it on her blog ... "La2a6it el fikra " ... hahaha XD

ok ...
3 wishes must be written ...
then , 6 bloggers must be tagged ...
So, I will start this game ..

I have a lot of dreams ... ya rb kol-ha tit7a2a2 ... X)

I wish to change my major "Electrical Engineering" into "Civil Engineering"

I wish to work in the media field ,as a presenter for my own program !!

I wish to cut the unfair occupying on our holy land ...


and the bloggers are :

1-Jehan
2- Anosyat
3-Dreamy Villager
4-ياسمين وثلج أبيض
5- eNAS
6- maroo

note :
thanx whisper :)

محتار كتير

موضوعي اليوم قديم جديد ... وهو التخصص !!!

مش عارف ليش انا هالموضوع قاهرني كتير ...
من بعد ما ارجعت واقتنعت بالكهربة ... رجعت حنيت للتحويل ، وقررت اقدم طلب تجويل بنفس الجامعة ... هندسة مدنية|طرق وجسور ...

انا متشجع لهالموضوع لآنه اله عدة مزايا ...
اهمها حلو وقريب من العمارة ... ممتاز كتير لو كملت معه ماستر "ماركتنج او مانجمنت"... ورح يرفع معدلي بالجامعة ... وكمان 6 صحاب مقربين الي - واللي رح نعمل مشروعنا سوا -تخصصهم مدني !!!
وشجعوني ع هالاختيار ... لآنه اكيد ممكن نكبر شغلنا سوا ... ونعمل شركة النا ... واحلام كتيرة تانية

لكن السيئة الوحيدة اله .. انه رح يروح علي 13 ساعة ... يعني من 68 ساعة رح ارجع 55 ... وهالاشي كمان قاهرني ... مش هاين علي اضيعهم :"(

صاحبي اسلام قللي ... تضيع فصل , وتنجح بإشي بتحبه ... احسن من تضييع 4 سنين بإشي بتكرهه !!!

شو قولكم؟
انا ان شالله رح اقدم الطلب ... ومنشوف شو رح يصير , لآنه هاد آخر فصل ممكن افكر فيه ... بعدها حرام احول , لآني بصير سنة تالتة !!!

عندك فكرة ؟؟ ادخل هون

مرحبا ..

متل ما بتعرفوا ... انا بحاول اشتغل بوقت الفراغ اللي عندي

بس للآسف , مش عم بلاقي شغلة منيحة , ترضي غروري , او ما بيقبلوا لآحد الاسباب ...

المهم , طقت براسي شغلة , انه ليه ما اعمل مع صحابي مشروعنا الخاص , ما حدا بيتحكم فينا , منداوم ع كيفنا , وفيه مردود منيح النا وما حدا يشاركنا فيه ...

بالفعل, اتصلت باصحابي وطلعوا هما كمان عم بفكروا بهالقصة , وكانوا بدهم يخبروني بس انا سبقتهم - القلوب عند بعض -

المهم , فكرنا بأفكار كتيرة ... ومنيحة ... ما بدها وقت كتير , واحنا كتار منتقاسم الشغل , وكل واحد عنده مواهبه اللي رح تساعدنا كتير !!!

بس لسة الافكار قيد المناقشة ...

انا مش رح احكيلكم شو الافكار هلق ... خليها بوقتها ...

لكن بدي منكم انكم تساعدونا ,,, اذا عندكم افكار لمشاريع صغيرة مناسبة النا ... ما بدها راس مال كبير ,, ومردودها لا بأس فيه!!

ياريت تكتبولي ياها هون

او ... تبعتوها بأيميل خاص ع

aalmahrouq@gmail.com

ولكم جزيل الشكر

وحدهن!!!

جاي ع بالي اسمع فيروز
ومو اي اغنية لفيروز

"وحدن بيبقوا"

_________________

وحدن بيبقو

متل زهر البيلسان

وحدهن

بيقطفو وراق الزمان
بيسكرو الغابي

بيضلهن متل الشتي يدقوا

على بوابي على بوابي

يا زمان

يا عشب داشر فوق هالحيطان

ضويت ورد الليل عكتابي
برج الحمام مسور و عالي

هج الحمام بقيت لحالي

لحالي

يا ناطرين التلج

ما عاد بدكن ترجعو؟؟

صرخ عليهن بالشتي يا ديب ... بلكي بيسمعوا

وحدن بيبقو متل هالغيم العتيق

وحدهن

وجوهن و عتم الطريق
عم يقطعوا الغابي

و بإيدهن متل الشتي يدقوا البكي و هني على بوابي

يا زمان

من عمر فيي العشب عالحيطان

من قبل ما صار الشجر عالي
ضوي قناديل و أنطر صحابي

مرقو

فلو

بقيت عبابي لحالي

يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعوا


_______________

الحُـب في الإسـلام

بقلم صديقي : اسلام نبيل سعادة

--------------------------------------------------------------------------------

ما معلوماتك عن الإسلام؟

الويكبيديا تعرفه بأنه: الانقياد التام للخالق بالتوحيد والانقياد له بالطاعة والبراءة من الشرك وأهله. فهو تسليم كامل من الإنسان لله تعالى في كل شئون حياته
ونحن كلنا نعرف وتربينا وكبرنا على أن الإسلام يضم بين دفتيه كل معاني الدنيا الراقية والسامية من إخلاص وتسامح وتقارب وألفة وسكن ومودة و.. حب
إذن الإسلام قائم على الحب ويدعو إلى الحب
*******


لكن أي حب هذا؟

علماء الدين يقسمون الحب في الإسلام إلى أكثر من نوع
أولها وأعظما بالطبع هو "الحب الإلهي" وهو بدوره ينقسم إلى نوعين
الأول هو محبه الله تعالى لعباده من خلال نعمه عليهم وإكرامه لهم وتوفيقه إياهم في أعمال الخير والصلاح لهم ولدينهم ولوطنهم

والثاني فيتمثل في محبة العباد لله سبحانه وتعالى والتقرب إليه والولاء لدينه والمحافظة على شرعه والتدبر في خلقه وصنعه وتنفيذ ما أمرنا به من فعل للعمل الطيب وابتعادا عن العمل الشرير

أما النوع الثاني من الحب في الإسلام فهو "حب النبي" عليه الصلاة والسلام، وذلك يتأتى بأن تقتدي بشخصه الكريم في كل أفعالك وتصرفاتك وأن تسير على نهجه وتتبع سيرته وسنته مخلصا ومحبا

والحب الثالث في الإسلام هو "الحب في الله" وهو الذي يحدث بين ناس لا تجمعهم مصلحة فيتبادلون النصح والمحبة والإخلاص لوجه الله تعالى دون انتظار أي مكافأة دنيوية لأفعالهم سوى أن يبادلهم الآخرون هذا الحب الخالص لوجه الله تعالى

وهذا النوع الأخير من الحب يحدث بين الرجال وبعضهم البعض وبين النساء وبعضهن البعض ويحدث أيضا بين الرجال والنساء معا.. هذا هو الحب الذي يجمع بين قلبين فيقرب ما بينهما ويمتزجان معا وكأن كل واحد منهما هو نصف متمم ومكمل للآخر.. ليكون السؤال هل هذا الحب الذي يجمع ما بين شاب وفتاة هو حب يتفق مع الإسلام؟
الإجابة المنطقية والفورية وربما الصادمة: طبعا.. أكيد
*******

الحب.. أساس الوجود

مندهش وغير مصدق لما نقول؟
اقرأ ما كتبه د.محمد المسير أستاذ العقيدة والفلسفة بكلية أصول الدين بجامعة الأزهر في كتابه "الحب والجمال والإسلام" فهو يصف الحب الذي يجمع بين الرجل والمرأة بأنه "الحب الذي بدأت به الحياة البشرية مضيفا أنه هو أساس الوجود وذلك استنادا لأن الله عز وجل قد خلق "آدم وحواء" وأسكنهما الجنة ثم أهبطهما الأرض لتنتشر الذرية من بعد ذلك

تريد دليلا آخر.. إليك الحديث النبوي الشريف الذي روي فيه عن سيدنا محمد عليه الصلاة والسلام قوله: حُبِّبَ إليّ النساء، والطيب وجُعِلتْ قرةُّ عيني في الصلاة

لاحظ هنا أنه "حب النساء" الطاهر الشريف جاء في مقدمة الحديث ليؤكد لنا رسولنا الكريم أن الشعور بالميل والانجذاب نحو النساء وبالعكس هو أمر فطري وطبيعي يؤيده الإسلام ورسوله شريطة أن يكون في الإطار الشرعي لذلك، وهو الزواج بطبيعة الحال

وعلماء الدين استقروا على قاعدة فقهية مهمة وهو أنه لا حكم شرعي فيما استقر في القلب وإنما الحكم يتعلق بآثار ذلك الشعور وما يترتب عليه من حلال وحرام.. هو ذات القاعدة المطبقة تماما على الحب بين الرجل والمرأة
فالحب -بمعنى ما استقر في القلب من شعور معين نحو فتاة أو شاب- لا يتعلق به حكم شرعي لأنه مكنون في صدر الشخص، وإنما ما يتعلق به الحكم هو نتيجة هذا الحب الساكن في الفؤاد فلو أخذت هذه المشاعر طريقها السوي الصحيح فنمت وكبرت في إطار شرعي علني يحيط به الأهل ويتوج في النهاية بالزواج فهذا أمر لا غبار عليه ولا يستطيع أحد أن يصفه بالحب الحرام

فالله قد رفع الحرج عن عباده فيما هو بداخل النفس، بشرط ألاّ يؤدي إلى معصية، وهو ما يعني أن شعور الحب الذي يهاجم أي واحد منا لا شبهة حرام فيه مطلقا بشرط أن يتبع هذا استكماله بالزواج أما إذا أخذ طرقا أخرى غير ذلك -وهي لا تغيب عن الكثيرين- فلا يمكننا أن نصفه بالحب أصلا
*******

حب الرسول.. وحب أبي بكر

كتب السيرة والصحابة والتابعين فيها من الروايات والقصص التي تؤكد أن الإسلام يراعي ويحافظ على الحب بين الرجل والمرأة، بل ويعظم كثيرا هذه المشاعر النقية الخالصة وهي في صورتها الأصلية الخالية من أي تلوث قد يضيقه عليها البشر بأفعالهم وسلوكياتهم

ولنا في رسول الله أسوة حسنة، فبرغم كل أعبائه ورغم تحمله لرسالة سماوية جليلة فإنه لم يجد حرجا في أن يلاطف زوجته السيدة عائشة بل كان يضحك معها ويتودد إليها ولم يجد حرجا عندما سُئل عليه الصلاة والسلام: من أحبّ الناس إليك؟ في أن يقول: عائشة
قيل: فمن الرجال؟ قال: أبوها

وهناك رواية جاءت في الصحيحين "البخاري ومسلم" ورغم ذلك لا يعرفها كثيرون وهي تؤكد رعاية الإسلام ورسوله الكريم واحترامها لمشاعر الحب.. والرواية تقول بأن "خنساء بنت خدام" زوَّجها أبوها رجلا فكرهت ذلك وجاءت إلى النبي عليه الصلاة والسلام لتقول له: إن أبي أنكحني أي زوّجني وإنّ عم ولدي أحن إليّ
أي أنها ترى أن أخا زوجها سيكون أحنّ عليها وعلى أولادها.. ولربما كانت تحمل نحوه مشاعر طيبة إلا أن حياءها منعها من أن تبوح بذلك للرسول الكريم بشكل مباشر

ترى ماذا كان حكم الرسول العطوف عليه الصلاة والسلام؟
حَكم الرسول الكريم بألاّ تتزوج الرجل الذي اختاره أبوها لها وأن تطلق منه، ولا يرد بعد ذلك توضيح ما إذا كانت تزوجت ذات السيدة من أخي زوجها أم لا، لكن الشاهد والمؤكد في هذه الرواية أنه لا إجبار في الزواج... ولا زواج دون حب وألفة.. وهو ما يؤكد أن الحب في الإسلام مباح.. بل لعلنا لا نغالي إذا قلنا بأنه ضروري ومهم
*******

وإذا كان لنا المثال والقدوة في رسولنا الكريم فلا نجد من بعده خيرا من أبي بكر رضي الله عنه مثالا ونموذجا نتبع خطاه.. الحب ورقة المشاعر المتبادلة بين الرجل والمرأة كانت حاضرة أيضا وبقوة في هذه القصة
كان أبو بكر رضي الله عنه يمشي في أحد طرق المدينة وسمع امرأة تنشد وهي تطحن بالرحى قائلة

وهويته من قبل قطع تمائمي

متمايساً مثل القضيب الناعم

وكأن نور البدر سُنَّة وجهه

ينمي ويصعد في ذؤابة هاشم

كانت تغني بألم وحرقة ويعلو صوتها بالبكاء.. رقّ لها قلب خليفة المسلمين أبي بكر الصديق فدقّ عليها الباب.. ولما خرجت إليه قال لها: أحرة أنت أم مملوكة؟
فقالت: بل مملوكة يا خليفة رسول الله
سألها عمن تغني وتنشد له: من هويت؟
فبكت ثم قالت: بحق الله عليك اتركني وشأني.. لكن أبا بكر -رضي الله عنه- ألح في طلبه وقال لها إنه لن يترك المكان حتى تخبره: لا أريم أو تعلميني
فقالت


وأنا التي لعب الغرام بقلبها

فبكت لحب محمد بن القاسم

فلما علم منها أبو بكر الصديق اسم الشخص الذي تهيم به ذهب إلى المسجد وبعث إلى مولاها فاشتراها منه ليعتقها.. ثم بعث إلى محمد بن القاسم بن جعفر بن أبي طالب وقال: هؤلاء فِتَنُ الرجال.. وكم مات بهن من كريم، وعطب عليهن من سليم


أرأيت؟
المرأة باحت بحبها ولم تخجل منه وإن فعلت ذلك في إطار خلوق ومهذب ويتماشى مع المسموح به في صدر الإسلام

وماذا فعل "أبو بكر"؟
لم ينهرها أو يعنفها وإنما تقبل مشاعرها الرقيقة هذه وسعى -بعد أن عتقها- إلى أن يزوجها بمن تحب ويحبها
هذا هو الإسلام.. وهذا هو الحب الذي يعيش في ظلاله.. فمن يستطيع أن يفعل مثل هذا
*******

The meaning of being lonely

وحيداً ...تائهـًا ...

كان وحده على جزيرة اللاشعور ...

تجرد من معنى الحياة...

كان وحده هناك .. يتألم ...يتوجع ...يتعذب ...

لم يكن يدري لمَ يعيش ؟... وكيف يعيش ؟؟

كان مشتت العواطف ..لا يعرف معنى الحب ...

لم يكن لديه أي شعور به ...حتى تلألأ نجم في فضاء الجزيرة...تسطر منه شعاع إلى حيث يقف ...

ناداه النجم ...

اصعد .. ارتق .. تعال

وبلا شعور ... صعد إلى النجم ..

سأل النجم برقة : " ماذا تفعل على هذه الجزيرة... وحدك ؟؟ ألا تشعر بالوحدة ؟؟! "

" الوحدة !! ... وما الوحدة ؟! "

هكذا رد ...

وبدأ النجم يحدثه عن شعورالوحدة

وبدأ يرسم له لوحة الحياة ...وبدأت طريق الحياة تضيئ أمام عيونه ...النجم يتحدث ... ويتحدث ...وامتلأت نفسه بالشعور ..بدأ يحس بمعنى الحياة ...وكلما تحدث النجم أكثر ... تعلق به ساكن الجزيرة أكثر .. وأكثر

فأحب النجم ...أحبه من كل قلبه...

وبعد ساعات من الكلام ..ملّ النجم .. ورحل

دون أن يجرح شعوره ..أخبره أن عليه الرحيل ..وأنه عائد ... لا محالة

فعاد الساكن إلى جزيرته ..وهو مليئ بالعواطف .. والحب للحياة

وفي كل ليلة ..كان ينتظر النجم ...

والنجم . . . لــن يأتـــــــــي !!!

لعنتك لا زالت تلاحقني يا شبح الموت

بسم الله الرحمن الرحيم

لا ادري يا شبح الموت .. ان كنت تقصدني ... و تخطأني في كل مرة !!ام انك تقصد ان تتسلى بي ؟؟تهوى اخافتي بعينيك الباردتين.

انت جبان ... جبانٌ جداً يا شبح الموت ... والغدر في مجرى دمك ... لآنك تخطف من نحب .. وتسرق منهم هبة الحياة ... تأخذهم غدراً ... من دون سابق انذار ... ولا تمهلنا حتى وداعهم ... لم يا شبح الموت؟ لم كل هذه القسوة؟

انت تحوم وتحوم ... تلاحقني , وتأخذ أحبابي مني ... اليوم اخذت رفيقا ً آخر ... "محمد" .. العصامي , الذي سافر الى اليونان ليكمل مشواره في الفنون ... انت سرقته لآنك تغار منه , كل الناس يحبونه , يحبون لوحاته ورسمه , يهوون عيونه ... ولا احد يحبك انت .. بل بالعكس ؛ كلهم يكرهونك , فأنت بشع ... لأنك تبتسم ابتسامتك المريضة دوما بشفاهك الجافة .

انت سرقته , لكنك لن تستطيع أبداً ان تسرق ضحكاته مني .. فانا اخفيها جيداً .. في مكان لن تصل اليه , اعدك.

يا شبح الموت , أنا اعلم فيم تفكر , فلا تتعب نفسك , انا جاهز لك , ولم أعد أخافك , هيا .. تعال ... اقترب اكثر ... ادنُ منّي .. فلتنزع يداك الصفراوان روحي من جسدي المغرورق في الآثام , التائه في غابة من اشجارك المعتمة.

لكن امهلني , حتى اصعد "قاسيون" وحيداً ... أقبل سماء "دمشق" ... أعانقها .. وسأصرخ في وجهك ... سأخيفك انا هذه المرة.لكن لا أدري ان كانت نجوم دمشق ستحملني اليها , كما كانت تفعل في كل عام

آخر رواق

انا اليوم مبسوط ومكيف ومروق ...باختصار : وضعي من الآخر

اليوم و ع الساعة 10:30 خرجت من قاعة آخر امتحان لهاد الفصل
وع الساعة 10:30 صباحاً كمان ... انا صرت قاطع 42 ساعة بسنة وحدة ومن دون صيفي
يعني حياة السنفرة انا طلعت منها ... يعني انا هلآ سنة تانية
- مع اني كنت والله حابب اني اشارك هالفرحة مع صديقي عبدالله الله يرحمه -

واليوم عندي مفاجآت كتيـــــــــــــــــــــــــــرة ,,, لسة ما اجت
في مخططات ببالي للصيف ان شالله كلها تزبط معي
اولها رح يبين اليوم ... الساعة 4 المسا ... ازا زبطتت اكيد رح اخبركم شو صار معي

انتظروني بكل شي جديد مني ... انا :احمد المحروق

اوهام واحلام

صحيت اليوم الصبح بكير , وقبل كل البيت , كل شي طبيعي وعادي , وبما انو امتحانات "الفاينل" بلشت عنا بالجامعة , قررت ادرس , جبت " اقتصاد هندسي" وقعدت لأدرس.

فجأة!!!

تذكرت شو حلمت هالليلة...

حلمت بصديقي عبدالله -الله يرحمه- , حلمت اني ضميته وعانقته..

ما بعرف , شي قللي انو هالحلم " مش فال خير" , وارتعبت ... وصرت ارجف , وما بعرف ليش خطر ع بالي اني رح أموت!!

ع السريع ... مسكت الدفتر وبلشت اكتب وصيتي - قال زي اللي عن جد -

بعدين بعتت مسج لصاحبي اللي مسافر برة ليدرس طب , وبعتله الحلم بتفاصيله , قلت ببالي : خلي حدا يعرف بالقصة, بعدها قلت لحالي ليش ما أفسر الحلم واخلص؟؟؟

بس كنت خايف انو تكون شكوكي بمحلها ..

أخيراً .. حزمت أموري , كتبت ع "جوجل" : تفسير الاحلام.

طلعلي مليون نتيجة , المهم فتحت ع منتدى -نسيت اسمه - ,, فسرت حلمي عند أكتر من تفسير ..

كلهم طلعولي نفس التفسير ...

تفسير الحلم : "طول العمر"

الحقيقة ارتحت , لآني مو حابب أموت هلآ ..

واكتشفت صغر عقلي واني بغرق بشبر ميّ !!!

كم اشتقت اليك !!!

ليس بيدي !!
كل شيء يذكرني به ...
دفاتري .. وخربشاته عليها
هاتفي النقال ... ومسجاته فيه
حاسوبي ... وصوره , واغنياته المفضلة المخزنة عليه...

صورته ضاحكاً ابت ان تغادرني
تسكن مخيلتي
بحة صوته تتجول في ممرات روحي الحائرة
تاركة وراءها صدى من الحنين والاشتياق !!!

عبدالله ... كم اشتقت اليك؟

من المسؤول عن وفاة "عبدالله أبو غنام " ؟ تقصير الجامعة؟ ام انه القدر؟

من المسؤول عن وفاة "عبدالله أبو غنام " ؟ تقصير الجامعة؟ ام انه القدر؟


لازال السبب لوقوع الشاب " عبدالله ابوغنّام" -19 عاما ً – من الطابق الثالث داخل كلية الهندسة في الجامعة الهاشمية مجهولا ً ... هل قام احدهم بدفعه؟؟ ام أنه القدر ليقع وحده؟
لكن الأمر الأكيد , هو أنه لو لم يكن (( الدرابزين )) بوضعية خطيرة على الطلبة هناك , ومنذ أكثر من 4 سنوات ... لما حدث ما حدث.

الأمر الذي يجعلك تشعر بالعار , هو أنه سقط داخل صرح علمي عظيم , المفترض به أن يكون مجهزا ً للاسعاف والطوارئ لشتى الحالات.
فلماذا تأخر اسعاف الجامعة حوالي ال 40 دقيقة؟
ام انهم كانوا ينتظرون ان يلفظ أنفاسه الأخيرة؟

الحمدلله أن هناك بعض الطلبة – اصحاب الضمائر الحيّة – قاموا بمحاولات اسعافه , كانت اجدى من محاولات الجامعة المتواضعة التي اكتفت برش " السبيرتو" عليه , ولم يتردد هؤلاء الطلبة بالاتصال مع نشامى الوطن (الدفاع المدني ) الذين هبّوا لنجدته بأقصى سرعة , وسبقوا اجراءات اسعاف الجامعة ذاتها.

نُقِلَ "عبدالله" الى مستشفى الزرقاء الحكومي لتلقي العلاج ... ولكن ، لم يستطع جسده مقاومة القدر, فتوفي بعد وصوله المستشفى بقليل.

وأخيرا ً , انا لا أ ُحَمٍّل الجامعة الهاشمية المسؤولية على ما حدث , قدّر الله وما شاء فعل.
رحمك الله يا عبدالله

وجه يأبى النسيان

وجه يأبى النسيان ...
(عبدالله وليد محمد أبو غنام)

من منّا لم يسمع بحادثة سقوط طالب جامعة البلقاء التطبيقية من الطابق الثالث في الجامعة الهاشمية أمس (الخميس 14/5/2009) ؟؟
منكم من استقبل الخبر بكل برود , ولم يذرف دمعة واحدة .... ومنكم من صُدِم من هَوْل المصاب , وخصوصا ً حين علم ان الطالب هو " عبدالله وليد أبوغنّام".

هذا الشاب الذي يزرع البسمة على شفتيك من دون ان تدري ... وفي كل احواله ... "عبّود" –كما اعتدت واصدقائي مناداته- هو المثال الاعلى للضحك والمرح ... هو صاحب النكتة الظريفة دوما ً ...
من اعتاد على "عبّود" لن يستطعم حلاوة الحياة من دونه ... ما للحياة من معنى دون بسمة يرسمها "عبّود" .

المرح ليست صفته الوحيدة التي يمتاز بها , فأخلاقه الطيّبة ... كرمه ...شهامته وصدقه وأمانته ... اخلاصه اللامحدود لجميع اصدقائه ... وصفات أخرى طيبة وعديدة , لها نصيب كبير من شخصيته.


لا أدرِ إن ما كان قد حدث يوم الاربعاء – قبل يوم الحادث – هو بمحض الصدفة , ام كان لديه احساس بالفراق ...
فبعد امتحان مختبر الفيزياء , جلسنا ثلاثتنا – انا وهو وصديقنا "اسلام" – خلف مبنى 17 كالعادة ...
اخذنا نتذكر الايام التي جمعتنا ... تذكرناها جلّها ... حلوها و مرّها ... منذ اللقاء الاول بالصف العاشر وحتى آخر أيام التوجيهي ...
بعدها , اشتريت البوظة لثلاثتنا ... وكان "عبّود" هو من اشتراها في المرة الماضية .. وقال : " المرة الجاي عليك يا اسلام" ... فرد اسلام : "مافيش مرة جاي" ... وضحكنا
تابعنا حديثنا ...
أخذ - عبّود - يشكو لنا شوقه الكبير لأبيه المسافر ... صار يتذكره ... يتذكر المقالب التي عملها به ...
حدثنا عن أخيه الاكبر " محمد " المهاجر الى بريطانيا من سنوات كثيرة , أخبرنا عن اخيه " أشرف" ... حدثنا عن حبّه الشديد لآمه ... وبعدها تمنى بأن " يموت قبل والديه " لأنه لن يستطيع تحمل مرارة فراقه لهما ...

حدثنا عن سيارته المفضلة - بي ام – وبأنه ينوي شراءها مستقبلا ً ... وعن حبه للقمصان السود ... وبأنه يفضل هذا اللون ... ولم يدر ِ بأننا سنلبسها له بعد يومين .

قاربت عقارب الساعة من ال : 3:30 م ... وستبدأ آخر محاضرة – لي ولإسلام – في هذا الفصل ... قرّرنا بأن نوصل "عبّود" الى باب الجامعة ...
ودَّعَنا "عبّود" ... وقبّلنا وهو يقول : " يمكن اليوم آخر مرة نشوف بعض " ... وغادر

غادر " عبدالله " الجامعة ... غادرها الى الأبد ...
سنفتقدك يا "عبدالله" في كل زوايا (البوليتكنك) ... من 5 لـ 17 ... ولحتى آخر الدنيا بـ 15
سنفتقدك بـ 24 ... وبالمايكرو ميل ...
سنفتقدك بالبوكوشوب "على قولتك".

لكني أعدك بأني لن أنساك .. وهذا ليس بيدي ... فأنت وجه يأبى النسيان .
رحمك الله يا "عبدالله " واسكنك فسيح جناته.