نصب وسرقة ... بوضح النهار !!

مرحبا يا جماعة , الحقيقة من شوي كنت قاعد مع بيت خالي - جايين من الشام - , ومن سيرة لسيرة .. حكوا كم قصة نصب وسرقة .. قصتين صاروا بحارتهم .. بعز الظهر .. وعلى عيون العالم !!


الاولى .. (دمشق)
خالي كان ماشي وراجع ع بيتهم , لقى قدام بيت جيرانهم شاحنة عم تحمل عفش .. سأل الشغيلة , قالوله والله جارك عم يرحل !
استغرب خالي .. انه جيران .. لكن خلص . صدق ومشي ... لكن طلعوا هدول حرمية عم يسرقوا البيت بنص النهار قدام العالم !!!


الثانية .. (دمشق)

بحارة بيت خالي فاتح لحام .. ادن الضهر كأنه وراح صاحب المحل يصلي وترك ابنه الصغير بالمحل .. الاب راح من هون , اجت شاحنة من هون ودخلوا عند الولد وقالوله .. هاد المحل مخالف .. ولازم نصادر تلاجة اللحمة .. حملّوا اللحمات واعطوا الولد ورقة وكذا وحكوله خلي ابوك يراجع التموين .. وطلعوا لا تموين ولا بطيخ ... حرامية !!!


الثالثة ... ( الرياض)

صاحب زوج خالتي كان راجع من الصلاة .. ولقى واحد حامل صندوق مصاري المحاسب بالشارع .. ومر من جنبه .. بس ما عطاه اهتمام .. رجع ع محله .. لقاه هاد صندوقه مخلوع ومسروق ... بعز النهار !!!


الرابعة ... (ما انتبهت وين)


قال واحد كان بالقطار .. كان معه مبلغ من المصاري , حكى لواحد جنبه .. شو رأيك تشتريهم بنصهم ؟
قلله ليه ؟
قاله لآنهم هدلون مصاري مزورة !!
التاني هداك .. اخدهم وفحصهم .. وكذا .. لقاهم مو مبينين انهم مزورين بالمرة .. بالاخير وافق واشتراهم بنص المبلغ !!

نزل الاول من القطار وبلغ الشرطة .. قلهم ضاعت شنتايتي (شنطتي) بالقطار اللي رايح ع كذا.. نوعها كذا .. ولونها كذا ..فيها مبلغ كذا

وبالفعل .. الشرطة وقفت القطار ولقت الشنتاية .. سألوا الزلمة اللي اشتراها .. هي الك ؟!
صار يحلفلهم .. لا والله مو الي .. لآنه خاف يروح فيها بما انه المصاري مزورين .. وبالفعل .. الشرطة رجعت الشنطة لصاحبها .. وهيك اخد المصاري ونصهم كمان !!!

بتمنى ما اكون تقلت دم عليكم .. تحياتي :)

دمشق .. معشوقتي الأولى و الأخيرة

مقدمة فارس بني مروان , مختارات من شعر نزار قباني:
- أتمنى من الجميع سماعها , الملف الصوتي بالآسفل-

يا ابنـةَ العمّ ِ... والهَوَى أمَوِيٌ

كَيفَ أخفِي الهَوَى وَكَيفَ أبينُ

آهِ يا شامُ .. كَيفَ أشرَحُ ما بي

وأنا فِيـكِ دَائِمَـاً مَسكُونُ

سَامِحِينِي إنْ لَم أكَاشِفكِ بالعشقِ

فأحلى ما فِي الهَوَى التَضمِيـنُ

يا ابنـةَ العَمّ ِ... والهَوَى أمَوِيٌ

يا دِمَشقُ البِسِي دمُوعِي سِواراً

وَتمَنِّي .. فَكُلُّ صَعبٍ يهون

مَزِقِي يا دِمَشقُ خَارِطَةَ الذُلِ

وقُولِي للـدَهرِ كُن فيـَكُونُ

بكِ عَزَتْ قُرَيشُ بَعدَ هَوَانٍ

وَتَلاقَتْ قَبَائلٌ وَبُطُونُ

هُزِم الرُومُ بَعدَ سَبعٍ عِجَافٍ

وتعَافَى وِجدَانُنا المَـطعُـونُ

صَدَقَ السَيفُ حاكِماً وحَكِيماً

وَحدَه السَيفُ يا دِمَشقُ اليَـقِينُ

سَبَقتْ ظِلَّها خُيُولُ هِشَامٍ

وَأفاقت مِن نَومِها السِكِّينُ

عَلِمِينا فِقهَ العُرُوبـَةَ يا شَامُ
فأنتِ البَيَـانُ وَالتَبيـيـنُ

شامُ ... يا شامْ . شامُ ... يا شامْ .شامُ ... يا شامْ

غَيِّري قــَدَرَ الشـَمس ِ

شامُ ... يا شامْ. شامُ ... يا شامْ. شامُ ... يا شامْ

و قــُولِي للدَهرِ كُن ... فَيَكُونُ

يا ابنَة َ العَم ِ ... وَ الهَوَى أمَوِيُ

رجال الحسم

رمضان المبارك ... ومتل ما تعودنا بيحمل معه باقة من تفاصيل الحياة الها نكهة خاصة فيه

ومتل ما تعودنا كمان , برمضان بتكتر المسلسلات ... وللآسف , هي بتكون ماخدة نصيب الاسد من هالشهر الفضيل !!!

انا ما بقول سكروا التلفزيون برمضان ... لآني انا اول واحد رح افتحه

ولهيك

انا جايبلكم لليوم مسلسل .. برأيي هو الوحيد اللي بستحق انه ينشاف

هو "رجال الحسم"

انا متابعه الحقيقة وكتير بحبه

قصة المسلسل نقلا عن الجزيرة كالتالي:

قصة العمل أما بالنسبة لقصة المسلسل، يقول بطل العمل الممثل السوري باسل خياط للجزيرة نت إن الحبكة الرئيسية تتعلق بشخصية المدرس شحادة الذي يلعب الممثل باسل دوره في المسلسل، وهو من الجولان المحتل استشهد والداه وأصيبت شقيقته إثر عملية للجيش الإسرائيلي، الأمر الذي يدفعه للانتقام. بيد أن ظروف الحياة تقود المدرس شحادة في اتجاه آخر لينتهي به المطاف داخل جهاز الموساد، بعدما يسافر إلى أوروبا حيث يتعرف من خلال عمله في أحد المطاعم على "ميراج" العميلة الإسرائيلية في الموساد التي تلعب دورها الفنانة اللبنانية مايا نصري. وهناك يقع شحادة في حب العميلة الإسرائيلية التي تسهل له الطريق إلى قلب إسرائيل عام 1970 ومن ثم الدخول إلى الموساد من أجل الانتقام لاحقا وفضح العلاقات الداخلية بين أفراد وضباط الموساد من تصفيات جسدية وحسابات فيما بينهم. ويضيف خياط أن العمل -وهو من إنتاج شركة الهاني في سوريا- سيكون مميزا مع تنوع الأماكن وتعددها خارج سوريا من أجل وضع المشاهد في أجواء حقيقية تقدم حقائق حول الصراع العربي الإسرائيلي. مشاركة عربية ويشارك في العمل أيضا الفنان السوري أيمن رضا الذي يلعب في "رجال الحسم" دور ضابط في الموساد اسمه إسحاق يتقمص دور المجنون "أبو عراج" في إحدى القرى الشامية ليختفي فجأة من القرية، ويعود للظهور في براغ حيث يتم قتله من قبل بطل المسلسل شحادة بعدما يكتشف أمره بالصدفة. ويعتمد العمل على اللهجة السورية مع استعمال اللغة العبرية في اللقطات الخاصة بإسرائيل إلى جانب اللغة الألمانية أيضا. ويشارك في العمل من سوريا منى واصف, نادين, فايز قزق, تاج حيدر, رامي حنا, ميلاد يوسف, نجاح سفكوني, عبد الرحمن أبو القاسم، ومن لبنان مايا نصري, نادين نجيم, وليد العلايلي, نيكولا معوض, علي الزين، ومن الأردن ياسر المصري بالإضافة إلى الاستعانة بالأسير السوري المحرر صلاح سليمان قويقس. ______________________________________________

وحدهن!!!

جاي ع بالي اسمع فيروز
ومو اي اغنية لفيروز

"وحدن بيبقوا"

_________________

وحدن بيبقو

متل زهر البيلسان

وحدهن

بيقطفو وراق الزمان
بيسكرو الغابي

بيضلهن متل الشتي يدقوا

على بوابي على بوابي

يا زمان

يا عشب داشر فوق هالحيطان

ضويت ورد الليل عكتابي
برج الحمام مسور و عالي

هج الحمام بقيت لحالي

لحالي

يا ناطرين التلج

ما عاد بدكن ترجعو؟؟

صرخ عليهن بالشتي يا ديب ... بلكي بيسمعوا

وحدن بيبقو متل هالغيم العتيق

وحدهن

وجوهن و عتم الطريق
عم يقطعوا الغابي

و بإيدهن متل الشتي يدقوا البكي و هني على بوابي

يا زمان

من عمر فيي العشب عالحيطان

من قبل ما صار الشجر عالي
ضوي قناديل و أنطر صحابي

مرقو

فلو

بقيت عبابي لحالي

يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعوا


_______________

واتى عام ٌ آخر !!!

غدا ً ... سأستقبل عاما ً آخر جديد ... واخيرا ً - صرت 19 - ، وقد انتهى عامي ال18 بشق الانفس!!

لقد كانالعام الأطول على الاطلاق ... و اكثر أعوام عمري احداثا ً ... منها ما هو جميل , وكثير منها المؤلم والحزين...

لا أدر ِ كيف انتهى !!

بس انا مبسوط انو خلص :)

ما اتذكره من احداث في هذا العام , هو انني استقبلت نتيجتي بالتوجيهي بصدمة كبيرة ، فقد كنت متوقعا ً معدل " بالتسعينات" ، وحصلت على

88.6 والحمدلله ، وبعدها استقبلت نتائج القبول الموحد ، وقبلت في جامعة البلقاء التطبيقية - هندسة الطاقة الكهربائية- ... وفي اليوم الثالث من انتسابي للجامعة , نجحت في فحص قيادة السيارة , وحصلت على الرخصة - عقبال العمومي-

وفي هذا العام ، تعرفب على اصحاب كثر ... وفقدت آخرين ...

في هذا العام ... حققت بعضا ً من احلامي ... وضيعت كثيرا ً من الفرص الذهبية لتحقيق بعضها الآخر ، لكني مؤمن بأن الآيام ستأتي لآحقق المزيد !!

ولا أنسى أني وفي هذا العام , انشأت مدونتي الحبيبة aMahrouQ , ، خطوتي الآولى على طريق الإعلام الذي لطالما حلمت ان اكون احد رواده ..

مع هذا فلدي بعض الحزن ، فهذا أول عيد ميلاد لي استقبله دون وجود أمي - المسافرة الى دمشق لحالة طارئة- ، وأتمنى ان تعود بسرعة , فقد ازداد اشتياقي لها !!

انا لا استطيع تحديد مشاعري كليا ً .. فالشعور بالحب والسعادة , والتفاؤل والفرح ممزوج ٌ ببعض من الحزن والكآبة !!

المهم , ليه لهلق ما حدا عايد عليّ؟؟؟

لعنتك لا زالت تلاحقني يا شبح الموت

بسم الله الرحمن الرحيم

لا ادري يا شبح الموت .. ان كنت تقصدني ... و تخطأني في كل مرة !!ام انك تقصد ان تتسلى بي ؟؟تهوى اخافتي بعينيك الباردتين.

انت جبان ... جبانٌ جداً يا شبح الموت ... والغدر في مجرى دمك ... لآنك تخطف من نحب .. وتسرق منهم هبة الحياة ... تأخذهم غدراً ... من دون سابق انذار ... ولا تمهلنا حتى وداعهم ... لم يا شبح الموت؟ لم كل هذه القسوة؟

انت تحوم وتحوم ... تلاحقني , وتأخذ أحبابي مني ... اليوم اخذت رفيقا ً آخر ... "محمد" .. العصامي , الذي سافر الى اليونان ليكمل مشواره في الفنون ... انت سرقته لآنك تغار منه , كل الناس يحبونه , يحبون لوحاته ورسمه , يهوون عيونه ... ولا احد يحبك انت .. بل بالعكس ؛ كلهم يكرهونك , فأنت بشع ... لأنك تبتسم ابتسامتك المريضة دوما بشفاهك الجافة .

انت سرقته , لكنك لن تستطيع أبداً ان تسرق ضحكاته مني .. فانا اخفيها جيداً .. في مكان لن تصل اليه , اعدك.

يا شبح الموت , أنا اعلم فيم تفكر , فلا تتعب نفسك , انا جاهز لك , ولم أعد أخافك , هيا .. تعال ... اقترب اكثر ... ادنُ منّي .. فلتنزع يداك الصفراوان روحي من جسدي المغرورق في الآثام , التائه في غابة من اشجارك المعتمة.

لكن امهلني , حتى اصعد "قاسيون" وحيداً ... أقبل سماء "دمشق" ... أعانقها .. وسأصرخ في وجهك ... سأخيفك انا هذه المرة.لكن لا أدري ان كانت نجوم دمشق ستحملني اليها , كما كانت تفعل في كل عام

Home Sweet Home

مرحبا من جديد
ما بعرف اذا اشتقتولي او لآ
انا اليوم وصلت لعمان
الحقيقة اشتقتلها كتير ... هالمرة اكتر مرة
يمكن لآني عملت مقارنات كتيرة بين الشام و عمان
ومع حبي الشديد لدمشق ... إلا انه عمان هي الافضل

من ناحية عجقة .. و اضاءة شوارع ... واحترام قوانين ... وتنظيم شوارع ... عمان اكيد هي الافضل
ومع اني بعتبر حالي ابن الشام ... الا اني كمان للمرة الاولى بعتبلا حالي غريب وضيف

قصص كتيرة صارت معي بتضحك ... بتخجل ... بتقهر

ع سيرة اللي بتخجل

طلعنا نسهر ونتمشى بباب توما - دمشق القديمة - طل اشي هناك حلو وتمام عدا ... وين بدي اصف السيارة ... المهم لقيت صفة ... بعد ما صفيت ولسة بدي اطفيها للسيارة ... ولا في جيب عم ترجع لعندي بدها تصف ... انا شايف ومش مصدق شو اللي عم بصير

بقول لحالي اكيد هلق الشوفير بوقف ... اكيد هو شايف السيارة

وبطلع وبستغرب اكتر .. الجيب قربت ... مديت ايدي من الشباك وصرت اضرب وادفش بالسيارة ... واخيرا وقفت ... خيي ... شعرة وكانت ضربتني
بعد شوي زبطت السيارة وضعها ... وطلت علي بنت انفها للسما ... وصارت تقلي : " مو ملاحز انك أليل زوء؟؟؟" ... قلتلها : ليش؟؟
قالتلي : انا كنت بدي اصف هون مكانك

والله فرطت ضحك ... طفيت السيارة ونزلنا نمشي ... مشينا بباب توما والقيمرية لعند الجامع الاموي

بس بتضلها الشام حلوة ... جلوة بالبيئة الدمشقية العريقة ... بس نظام السير فيها ... بلا ما نحكي احسن

انا اكتشفت شغلة ... انو كوني انا هالمرة الشوفير والقائد لهالسفرة ... هو اللي خلاني اعمل كل هالمقارنات ... الايجابية لعمان
وخلاني اعرف خيرها

يللا بكرا دوام الصيفي ... لسة ما عطلنا بلشنا دوام

انتظروني انا وكل جديدي ... ولا تقطعونا

بالمناسبة , انا و همسة عم نحضرلكم مفاجأة

انتظرونا

احمد المحروق