03‏/11‏/2011

hello world

صباح/مسا الخير للكل
وكل عام وانتم بألف خير .. وأضحى مبارك ان شالله

يمكن غبت كتير عنكم هالمرة .. وما بعرف اذا شتقتولي متل ما شتقتلكم أو لآ :)

أشياء كتيرة صارت معي بهالفترة .. أهمها إني صرت اشتغل بمجلة "مجلتنا" التابعة لمجموعة الفريدة = (ليالينا وشلتها)
صرلي بحدود 7 أشهر معهم حتى الآن :) .. بس ما بشتغل ك مصمم او ديزاينر او كزا .. لآ أتقل بشوي .. هههه
مممم .. انا عضو كاتب فيها ومراسل صحافي.
والحمدلله مبسوط كتير اني عم بنجز اشي اضافة لدراستي

و ع سيرة الدراسة والجامعة .. يللا جهزولي حالكم على حفلة تخرجي هالصيفية ان شالله .. ان شالله بشهر 6 بكون ودعت الجامعة وخلصت .. والتخرج بكون بشهر 7 ان شالله
بتعرفوا شغلة .. مع انه قديش كنت احكي عن جامعتي .. بس بحبها .. وهال4 سنين اللي مضيتهم فيها .. اكيد ما بيتعوضوا .. وما اظن اني كنت رح انبسط لو كنت بغير جامعة
أكتر شي انا مبسوط منه .. هو اني طلعت بأغلى ثروة بالدنيا .. وهي صحابي اللي صرنا اقوى شلة .. واكتر من اخوة .. احنا توائم بعض !!


أشياء كتيرة كمان صارت معي .. في منها بينحكى ومنها لآ P:
hehehehehehehe

حابب أوجه تحية كبيرة لويسبر .. لآنها اكتر حدا كان يستفقدني .. مع انها ما عادت تبين بالفترة الأخيرة
(شوفوا مين بيحكي)

واكيد ما بنسى صاحبي الشيشاني .. وبقية شلة المدونين اللي انا جد مشتقلهم

كل عام وانتم بألف خير ان شالله .. وتقبل الله طاعتكم .. وأضحى مبارك :)

هناك 14 تعليقًا:

جعفر حجير يقول...

أخي أحمد مبروك الوظيفة.. خلي بالك بلاش تشغلك عن الدراسة مثل ما عمل صاحبك جعفر :(
إن شاء الله بتتخرج و بتشتغل في مجال دراستك.. شد حالك في آخر فصل و ربنا يتمم الدراسة و التخرج على خير

بانتظار كتابات مستمرة :)

UmmOmar يقول...

تقبل الله طاعتك عمو

والحمدلله ع السلامه,, ومربوك الشغل,, وين حلوان الشغل والتخريج؟؟

بدنا كيلو كعك لكل شخص ولكل مدونه
يعني اللي عنده مدونتين بطلعله 4 كيلو
حسبه حلمنتيشيه إبتعجبك

Ahmad M. Al-Mahrouq يقول...

@جعفر
الله يبارك فيك صديقي .. ان شالله رح ابدع بالمدني :)
انه كتير متشوق للشغل الحقيقي .. ههه :)

شكرا لمرورك :)
وان شالله اكون قد الثقة

Ahmad M. Al-Mahrouq يقول...

@خالتو أم عمر

منا ومنك ان شالله ^_^
الله يسلمك .. ويبارك فيكي

حلوان مين؟؟ مين سمير؟؟!!
هههه

خلص ان شالله رح ابعتلك احلى كعك الكتروني .. ومش بس 4 كيلو ازا بدك .. ازا بدك 1جيجا كعك .. من عيوني

هههههه

(كيف بس؟؟)

نيسان يقول...

الحمدلله على السلامه احمد ومبروك الوظيفه مبروك مقدماً التخريج ....
كل عام وانت بخير واضحى مبارك

Ahmad M. Al-Mahrouq يقول...

الله يسلمك نيسان :)
ويبارك فيكي .. بس هو مش وظيفة وظيفة يعني
أنه شغل تسلاية واثبات وجود مش اكتر..

وانتي بألف خير ان شالله .. وينعاد علينا وعليكي بالخير والصحة

w7l يقول...

بلا لت و بلا عجن ... من الاخر شو اخبار الحلوان ؟

w7l يقول...

.....

Ahmad M. Al-Mahrouq يقول...

انت بتؤمر .. احكيلي كم جيجا بدك .. وببعتلك.. ومن وين ما بدك
سويسري .. فرنسي .. من وين ما بتحب وشو ما بتحب

ولو :)

samya abu-kwaik يقول...

فعلا انا لاحظت انو صارلك فترة كبييرة غايب عنها ^_*
على سيرة انو ما كنت راح تنبسط لو كنت بغيير جامعه ...بصراحه نفس شعووري..الغريب في البوليتكنك انو لازم تحبها ..والاغرب انو بتفوت بتعيط لانو ما بدك اياها بس لما تتخرج برضو بتعيط لانو صعب تفارقها ...
فعلا ايام الجامعه وصحبة الجامعه صعب يتعوضو ..لهيك لازم نستغل كل دقيقه فيها وننبسط ....

Ahmad M. Al-Mahrouq يقول...

@ سامية
*_^

انه جوها الطلابي رائع .. انه كلنا عيلة وحدة
هاد احساسي عن جد

صح الخدمات مش كل هالقد .. بس الجنة من دون ناس ما بتنداس
والبوليتكنك بناسها

White Freedom يقول...

وأنا أقول من فين جاتني الغبره !!

كل عام وانت بخير والجامعة حتى أنا على كثر ما كنت اكره بلاويها لازلت أشتاق لها بسبب زميلاتي وضحكنا

الله يخلي اصحابكم ويجمعكم على الخير يارب

Ahmad M. Al-Mahrouq يقول...

هههههههههههه
الله يسامحك يا فرييدم :)

جد .. وانا حاسس انه سنة التخرج الحالية ح تكون الأروع والحافلة بكل اشي :)

والله يخليلك محبينك ويخليكي لهم :)

Haitham هيثم Al-Sheeshany الشيشاني يقول...

بالتوفيق يا أبو حميد

و بدنا تحكيلنا عن الأشياءات اللي ما بتنحكى!
;)