06‏/12‏/2010

وما أدراك ما البوليتكنك 5 .. قنبلة الموسم



مقسوم لا تاكل .. وصحيح لا تقسم .. وكل واشبع!!

هذه هي الاستراتيجية الجديدة التي عاملتنا بها جامعة البلقاء التطبيقية لنتم بها تسجيلنا لهذا الفصل , فقد قامت ببعض التعديلات البسيطة على نظام التسجيل .. بعض القوانين الجديدة التي تساعد الطلاب في أزمة شح المواد الدراسية .

اولى هذه القوانين هو ان طرح المواد يتم اعتماداً على الخطة الاسترشادية , أي أن مواد الفصل الاول تطرح فقط بالفصل الاول ومواد الفصل الثاني تطرح بالفصل الثاني .

أما ثاني هذه القوانين , هو ان التسجيل أصبح بالتدرج من المستويات الادنى فالاعلى مع عدم السماح للطلبة بتسجيل مواد مستويات عليا حتى ولو انهم قد اتموا المتطلبات للمساق , فمثلا انا اعتبر طالب مستوى ثالثة , لكن المواد التي احتاجها للفصل القادم تكون من مستوى رابعة وخامسة
, ومن مستوى ثالثة فصل ثاني لم اجد سوى تحليل انشائي 2 , ومع هذا لم أتمكن من تسجيل المواد التي احتاجها.
وللعلم , فقد كان التسجيل سابقاً يتم بالعكس , من المستويات الأعلى وحتى الادنى , ولذلك لم نتمكن من تسجيل بعض المواد التي هي من مستوياتنا لآن المستويات الاعلى منا كانت تسجلها حينها , والآن .. اصبحت المستويات الادنى هي التي تسبقنا في عملية التسجيل .. وكنا نحن -دفعة 2008 - الضحية لهذه القرارات.


الأمر المضحك بالموضوع هو أنّا لازلنا نعتمد نظام الساعات , الذي يمنح الطلبة الحرية في اختيار المواد , وكثافتها بالفصل الواحد .. وانها تتيح للطلبة اختصار الوقت , بأن يزيدوا العبء الدراسي لديهم.
والان .. نحن مقيدون بالمواد التي تطرح , وبالخطة الاسترشادية .. ومقيدون بأن نبقى على الاقل 5 سنوات كاملة هنا , مع انه كان بالامكان التخرج ب4 سنوات!!

اما قنبلة الموسم , والتي تنكرها الجامعة هي انه الجامعة تبنت نهجاً "اتيكيتياً" , وذلك بأن سمحت للفتيات بالتسجيل اولاً ومن ثم سمحت لكلا الجنسين من التسجيل.
حيث انه وفي "الساعة والنصف" الاولى من التسجيل من يوم السبت وحتى الآن .. واجه جميع الطلاب الذكور مشاكل في الدخول للنظام , في حين ان الطالبات كن قد سجلن في ه
ذه الفترة .. وفي يوم التسجيل الاول كانت تظهر هذه الرسائل للطلاب!!



هناك 22 تعليقًا:

Mad-Man يقول...

والله يا حبيبي شكلها رح تطلع براسنا ...
احنا علقنا بالنص ... لا منقدر نسجل مواد مستوى رابعة وخامسة
ومواد الاولى والثانية كلها فللل ..

و بطيبهم ولا غصب عنهم , مش مخلصها بخمس سنين, ولو خمسة إلا ربع ..

اااااااه منك يا بوليتكنك
:)(:

Jarat يقول...

الله يعينكم عل هالقرارات ! عن جد المؤسسات التعليميه عامله هالتعليم جهاد مش اجتهاد ! :(

المهم انت تاكد انو عمرك ما راح تتعلم من الجامعه الانسان هوا الي بعلم نفس بنفسو
وخليهم يطلعو قرارات لبكرا الصبح يشبعو بقراراتهم !

يالله هانت اتعدها خلصت محكوميتك وبيفرجوا عنك من البلقاء ;)

ربى حجازي يقول...

طبيعي جداً ولا تدايقوا كتير
بكره بتراجعوا عن القرار وبخترعو قرار جديد
في جامعاتنا القرارات كلها مؤقتة

sheeshany يقول...

ليش البنات أول؟ إه! لازم نطالب "إحنا" بالمساواة
:]

الله بعييييييييين يا أحمد

الله يستر من القنابل "خلال" الفصل!

w7l يقول...

لا تزعل ولا تهتم بالعكس لازم تنبسط

الجامعة كثير مبسوطة بوجودك معهم و بتعتبركم سلعة ثمينة و قيمه و بالتالي بتحاول تحافظ عليكم انكم تظلو معهم اطول وقت ممكن عشان هيك بحاولو يخليكو 5 سنين بدل من اربعه ، يا عم اطلعتو مهمين و انت مش عارف

كلو بزنس يا باشا

Ahmad M. Al-Mahrouq يقول...

@ مناصرة

ما هي طلعت براسنا وخلصت .. وطلعنا خواريف العيد وضحوا فينا ومشي الحال .

بس مع هيك مش رح نستسلم .. وبدنا نخلص ب4 غصب عنهم

Ahmad M. Al-Mahrouq يقول...

@ جرات عسل

شكرا للدعم المعنوي .. اكيد كل المؤسسات التعليمية بدها مصلحتها .. مصاري :)

وان شالله تفرج قريباً

شكرا لمرورك :)

Ahmad M. Al-Mahrouq يقول...

@ ربى حجازي
ان شالله يتراجعوا بسرعة .. هلق شوفي هالقرار منيح .. بس لو بلشوا من سنة اولى .. مش من نص المشوار :)

هيك احنا اكلناها بكل اشي .. حتى وقتنا تسجيل دفعتنا زفت .. انه اليوم عطلة بالجامعة .. راس السنة .. وبكرا مش النا.. يعني مش ممكن نغير اشي

الله بعين

شكرا لمرورك :)

Ahmad M. Al-Mahrouq يقول...

@
W7l

اكيد احنا اغلى ما تملك الجامعة ... ولا مين بده يدفع لو طلعنا؟؟
لهيك من مصلحتهم نضل بالجامعة اكبر وقت ممكن .. يعني لو يصحلهم نرجع نظام سنوات .. واللي برسب بمادة يعيد السنة كلها ما بقصروا

شكرا لمرورك :)

w7l يقول...

ذكرتني بنظام السنوات!!! الله يرحم و يعين طلاب الطب

Ahmad M. Al-Mahrouq يقول...

@ W7l

هم اكتر ناس بيتعبوا بالدراسة .. بس بلاقوها بعدين :)

اما احنا رايحين فيها هلق وبعدين

الله بعين :)

نورت المدونة :)

Whisper يقول...

شكلها هالسلسه مطولة يا احمد :(

الله يعينكم...يلا بجهزوكم من هلأ علشان بس تطلعو على المجال الوظيفي تكون المراره عندكم متعوده :)

Ahmad M. Al-Mahrouq يقول...

أهلا ويسبر
:)

هالسلسلة شكلها متل المسلسلات المدبلجة .. ما بتخلص :)

هو بس نطلع ... عن جد رح اكسر جرة اول ما اتخرج منها .. بس هانت , قطعنا اكتر من النص :)

... يقول...

والله تفكيرهم عجيييييييييب صاروا يحددون النوع انثى او ذكر >> !!!؟؟!!!>_<"

sheeshany يقول...

متأكد إني كتبت تعليق بس مش شايفه!

:(

على كل

u`ve been tagged
:)

http://sheeshany.blogspot.com/2010/12/blog-post_11.html

sheeshany يقول...

مرحبا أحمد
صرت كاتب تعليقين هون! شكلهم ما وصلوك :(

و كمان عملتلك تاغ (اللي فرح كتبت عنه، للتو قرأته) .. ما وصلك؟؟؟؟ :(

Ahmad M. Al-Mahrouq يقول...

@ فريدوم

آسف للتأخر بالرد .. بس مطووش هالفترة
:)

شايفة الجامعة عنا :)
بس الحمدلله .. تحسن الوضع :)

Ahmad M. Al-Mahrouq يقول...

@ هيثم

أهلا يا برو
والله آسف جداً .. بس ما عم بشيك المدونة متل زمان .. ان شالله بالعطله رح اجننكم
:)

وشكرا ع التاغ :)

sheeshany يقول...

أحمد إنت كيف حالك؟

بيصير هيك تقطعنا لهالدرجة!!

:(((

Ahmad M. Al-Mahrouq يقول...

أهلا هيثم
الحمدلله , تمام

ممم .. والله الجامعة بتكسر الضهر
:)
ما لحقنا نعطل .. داومنا
وهلق امتحانات

بس اكيد ما الي غنى عنكم :)

model يقول...

هو للاسف كثرة القرارات تعطل و تشغل اكثر ما تساعد
الله يعينك
ان شاء الله موفق
على الاقل تستطيع ان تستريخ على المدونة
لو يقراؤن ما كتبت ربما ليعلمون كيف يضرون اكثر مما يفيدون

موديل

sheeshany يقول...

هذا الإدراج تاريخه
من شهر 12!!

و الباقي عندك :)))