03‏/06‏/2009

سيلينا




الروائع الفيروزية الرحبانية ... مهما مرت الايام بتضلها رقم واحد بعالم الفن الراقي ...

وفيلم "سيلينا" هالسنة اثبت هالشي كمان ...
هالفيلم يللي من تأليف : الاخوين رحباني -الفيلم من مسرحية هالة والملك-.. للملاك فيروز !!
واخراج المبدع : حاتم علي ( ومسلسلاته بتشهدله ... و اهمها " التغريبة الفلسطينية")

نجوم كتار شاركوا بهالفيلم .. اهمهم "دريد لحام" ... "ميريام فارس" ... " انطون كرباج" ... "جورج خباز" ... " باسل خياط" ..."حسام تحسين بك " ... "ايمن رضا" .."قمر عمرايا" ... وغيرهم من النجوم السوريين واللبنانيين !

بس اكيد ... وما في مجال للنقاش .. انو العمل كان ناقص "فيروز" ... و "ميريام فارس" -وانا ما بنكر انها ابدعت بهالفيلم- الا انها ما رح توصل لمقام فيروز !!

قصة الفيلم جدا حلوة ... بتحكي عن هالبنت "هالة" يللي بتتقل بالمدن كبياعة ... وبتنزل ع مدينة "سيلينا" -مكان الحدث- هناك بصير معها كتير احداث .. وبتلتقي بناس رح يساعدوها .. وناس رح يحبوها .. وكل واحد ع طريقته !!

انا ما رح احكي عن القصة اكتر .. بنصح الكل بأنه يروح يحضره ... الفيلم يعرض حصرياً بـ "برايم سينيما" -البركة مول / الصويفية-






02‏/06‏/2009

عودة البطل المغوار

مرحبا من جديد ...
هالمرة انا حابب اعرضلكم موهبة جديد ... وهي الرسم

رسمتي اليوم "كاريكاتير" ... من وحي موضوع اسمه " يا تاعبني ... تعليقات" لمدونة قصص طرمة ...

يا رب يعجبكم الكاريكاتير وأكون توفقت فيه ...

احمد المحروق



01‏/06‏/2009

آخر رواق

انا اليوم مبسوط ومكيف ومروق ...باختصار : وضعي من الآخر

اليوم و ع الساعة 10:30 خرجت من قاعة آخر امتحان لهاد الفصل
وع الساعة 10:30 صباحاً كمان ... انا صرت قاطع 42 ساعة بسنة وحدة ومن دون صيفي
يعني حياة السنفرة انا طلعت منها ... يعني انا هلآ سنة تانية
- مع اني كنت والله حابب اني اشارك هالفرحة مع صديقي عبدالله الله يرحمه -

واليوم عندي مفاجآت كتيـــــــــــــــــــــــــــرة ,,, لسة ما اجت
في مخططات ببالي للصيف ان شالله كلها تزبط معي
اولها رح يبين اليوم ... الساعة 4 المسا ... ازا زبطتت اكيد رح اخبركم شو صار معي

انتظروني بكل شي جديد مني ... انا :احمد المحروق