من بعد غياب طويل ... يا ريت تكونوا اشتقتولي :)
الفصل تقريباً خلص .. وضايل 7 ايام وبعطل :)
مع انه هالفصل كان تقيل دم علي .. وخصوصي مع الدكاترة .. بس كمان في ذكريات حلوة !!
واكيد ما بنسى قرصة النحلة لهلق .. وصار عندي فوبيا منها .. منكون قاعدين بالمحاضرة ما بلاقي والا نحلة بتحوم حولي .. والشباب صحابي بيضحكوا .. ود.نافذ بيسألنا شوفي ؟؟
المهم ... حبيت أعايد عليكم بكم صورة من تصميمي :)
___________________
هاي الصورة .. مادخلها برمضان .. بس صورتها وانا مروح من الجامعة .. كنت ناوي اكتب عنها موضوع .. بس ماعرفت !!
شو تعليقكم ع الموضوع ؟؟؟
تحياتي
هناك 12 تعليقًا:
شو بالنسبة للشيخ فهيم؟!!! بس و الله ما بتعرف يمكن قصدو مليح و بجو يقدم مساعده و ما عرف الا بهاي الطريقه
أبدعت !!! في مجال للسرقة الادبية لاحد هذه التصاميم ، طبعا مع ذكر بلد المنشأ!؟
رمضان كريم
كل رمضان و انت بخير و ينعاد عليك و انت موظف يا احمد لتشوف تقلة الدم على اصولها
:)
التصميمات حلوة كتير لهيك قررت اسرق وحدة و ارمضن فيها على العالم " على الفيس بوك " مع ذكر المصدر
هادا ببعد اذنك يعني
أهلا بالدكتور والله !!
معك حق .. يمكن هاد مع جمعية ستر بنات وشباب العالم !!
بس يعني مش بهالطريقة يعلن عن الموضوع .. يللا بكرا بتصير دعاية ع التلفزيون !!
شكرا د.محمد .. والتصاميم كلها ع حسابك
وكل سنة وانت سالم
يا هلا بجفرا .. نورتينا :)
وينعاد عليكي بالخير والصحة ان شالله .. وان شالله اشتغل واشوف تقل الدم ... بس اشتغل المهم
التصاميم كمان كلها ع حسابك .. ولو :)
شكرا للمرور
كل عام وانت بخير وكل امة الاسلام:
تصميماتك كالعادة جميلة تسلم ايديك.
اما الشيخ فهيم فيمكن هاد من تبع الزواج مثنى وثلاث و رباع...
رمضان كريم
هلا آنسة كيالة .. رمضان كريم وينعاد عليكي .. وشكرا للمديح !!
بالنسبة للشيخ فهيم .. مابهمه العدد .. بهمه انه يكون الشخص جاد
تحياتي
السلام عليكم ورحمة الله وبركاته
كل عام وانت بخير
ورمضان كريم
وبالنسبة للدراسة .. انت تدرس صيفي او ان عندكم دراسة رسميه قعلا ؟
الحمد لله ان عندنا مافي دراسة لان الجو في الشهور الاخيره حرررر بشكل كبير ...
رمضان كريم,, وكل سنه وإنت سالم
تعليقن ع الصوره,, الله يقويه,, قال بعمل خير,,
عاد امشي بجنازه ولا تمشي بجنازه
وعليكم السلام ستروبري
وانتي بألف خير وصحة وسعادة ان شالله :)
هون بالاردن في فصلين اجباريين .. الأول
fall semester
والتاني ... spring semester
وفي فصل اختياري .. اللي هو الصيفي
انا بفضل انه آخد صيفي .. لآنه منخلص جامعة ابكر ومنزيح مواد عن ظهورنا .. وبدل ما تخلص الهندسة ب5 سنين .. هيك ان شالله بأقل .. ب 4.5 او ب 4
وهلق فرصة للصيفي .. لآنه السنوات الجاي صعب جداً رح يكون .. لآنه صيف ورمضان .. احنا هالمرة نعتبر خلصنا قبل رمضان .. بس عنا الامتحانات الفاينال فيه
تحياتي وشكرا للمرور
اهلا ام عمر .. ليش ما عدتي تزورينا؟؟!!
رمضان كريم وينعاد عليكي ان شالله
معك حق .. امشي بجنازة ولا تمشي بجوازة
شكرا للمرور :)
رمضان كريم وربنا يتقبل من الجميع إن شاء الله :)
أهلا رولا ... زمان ما بينتي؟
رمضان كريم وينعاد علينا وعليكي ان شالله
إرسال تعليق