مفاجآت كلية الهندسة التكنولوجية / البوليتكنك .. ما رح تنتهي أبداً
ورح تضلها .. تصدمنا وتصدمنا لنتخرج
وما بيخلى التخرج من صدمة عنيفة شوي منها ... القصة هالمرة لواحد تعرفت عليه جديد .. وهو صاحب صاحبي
الشب خريج كان ع الصيفي .. ما كان عليه غير يختم ب6 ساعات التدريب المقررة .. وبيتخرج .. هالشب حب انه يتميز عن الباقي . وما كذب خبر ... وطلع على احدى دول الخليج لياخد تدريب غير شكل .. وعمل تقرير عن الشغل اللي تدربه .. تقرير خيلة صراحة .. وبحق يعني يعطيه العافية على الشغل اللي اشتغله
والتدريب متل ما كتار بيعرفوا انه ما اله علامة .. بس ناجح راسب .. متل العلوم العسكرية .. وهيك مواد الكل بينجح فيها ..
بظنكم عرفتوا بقية الحكاية ... الجامعة رسبت هالطالب بالتدريب !!
مش بس لحاله .. أكتر من شي 12 طالب رسبوا بالتدريب والحجة قال انهم ناقلين تقارير التدريب من النت !!
هلق هم ما سكتوا .. وتدخل العميد بالقصة وقرر هو بذاته يشوف التقارير .. والنتيجة النهائية للاسبوع الجاي .. وان شالله تمشي الامور :)
الواحد ما بصدق يخلص من هالجامعة وهي عم تمسك فيه باسنانها قبل ايديها ..
الله يسترني من صدمة التخرج ع دوري :)
بتمنى ما اكون تقلت دم عليكم ... تقبلوا تحياتي
ورح تضلها .. تصدمنا وتصدمنا لنتخرج
وما بيخلى التخرج من صدمة عنيفة شوي منها ... القصة هالمرة لواحد تعرفت عليه جديد .. وهو صاحب صاحبي
الشب خريج كان ع الصيفي .. ما كان عليه غير يختم ب6 ساعات التدريب المقررة .. وبيتخرج .. هالشب حب انه يتميز عن الباقي . وما كذب خبر ... وطلع على احدى دول الخليج لياخد تدريب غير شكل .. وعمل تقرير عن الشغل اللي تدربه .. تقرير خيلة صراحة .. وبحق يعني يعطيه العافية على الشغل اللي اشتغله
والتدريب متل ما كتار بيعرفوا انه ما اله علامة .. بس ناجح راسب .. متل العلوم العسكرية .. وهيك مواد الكل بينجح فيها ..
بظنكم عرفتوا بقية الحكاية ... الجامعة رسبت هالطالب بالتدريب !!
مش بس لحاله .. أكتر من شي 12 طالب رسبوا بالتدريب والحجة قال انهم ناقلين تقارير التدريب من النت !!
هلق هم ما سكتوا .. وتدخل العميد بالقصة وقرر هو بذاته يشوف التقارير .. والنتيجة النهائية للاسبوع الجاي .. وان شالله تمشي الامور :)
الواحد ما بصدق يخلص من هالجامعة وهي عم تمسك فيه باسنانها قبل ايديها ..
الله يسترني من صدمة التخرج ع دوري :)
بتمنى ما اكون تقلت دم عليكم ... تقبلوا تحياتي
هناك 16 تعليقًا:
ya salaaaaam
ramadan edition of the gr8 college
;)
*so2al shebeh baree2: hatha l post enno ya3ny beddak eyyana nsa3dak b ta4reer l tadreeb men hassa wella sho
:DDDDD
هيك كلهم المدرسين ..مفتريين :))
هاي مزحه ملغومه مش اكتر
____________
نيجي للجد
الله يعينك و يخلصك من هالجامعه على خير, مغامرات فريده من نوعها,بتترك عندكم ذكريات غريبه
ياما سمعت قصص من اخوي ايام ما كان يدرس فيها, بس قصصك متطورة اكتر :)
@ Haitham
هلا هيثم .. هو اذا بتدبرني عندكم بالسعودية بكون كتر خيرك :)
مرحبا ويسبر ... هم مش مفترين كتير بس راسهم يابس وما بيتناقشوا .. وتأخذهم العزة بالاثم متل ما بقولوها :)
وع فكرة .. هي عم تتطور كتير .. كل مرة مصيبة اتقل من اللي قبلها :)
الله يسترني بالسنتين الضايلينلي :)
أحمد، السعودية إذا بتيجيها بتكتب بأول شهر 487687678438 جزء
بلاها عمي... جد!
لوول
كيفك احمد :)
بعد اذنك .. ويسبر الله يسامحك حددي طبقة المدرسين المفتريين اللغم طب فييي:)))
عادي ممكن يكون عندك على التخرج 16 ساعة بعد نص الفصل الاخير بتكتشف انو في غلط و بتتاخر فصل كامل على 3 ساعات
هاي متلا بتحصل باليرموك
بالنسبة للتدريب انا على حد علمي انو مو كل الجامعات بتقبل بالتدريب الخارجي مثل التكنو يعني لازم التدريب يكون داخل الاردن لانو انا بشوف المتدربين اللي بيجو من جامعات
اهم شي كاسة النيسكافية و الشنة الماركة و الدوام نص ساعة و انتهى التدريب
@ Haitham
هيك قولتك يعني؟؟
@ جفرا
ويسبر بالاساس كانت بدها تكتب دكاترة .. بس خافت يوصل الضرب للاطباء .. فهيك غيرتها ع مدرسين .. وين ما راحت مش خالصة
لول
:)
الله يسترنا من هيك اغلاط .. ازيد فصل ع مادة .. بنجلط
التدريب عنا مسموح يصير برات الاردن .. وبظن انه اقوى لآنه بتكون شركات عالمية هناك والها سمعة وسيط :)
شكرا لمرورك :)
ولك محرق هاي البوليتكنك ... حلك تتعود عالوضع ولا شو ؟؟
وبالنسبة للتخرج الله يستر عهالسنتين اللي ضيلين ... نخلصهم بدون مشاكل وخلص, يا زلمة نفسي انزل 50 ساعة الفصل الجاي عشان اخلص
:):)
اوفففف شو هالقرف :(
يا هلا والله مناصرة !! كيفك يا Mad-Man??
انا متعود .. بس بدي اخبر الناس شو بصير فينا .. خلييينا نتشارك الهموم سوياً :)
سنتين وبمرقوا
:)(:
,وما ادراك ما البوليتكنك!!!
الله يكون في عونكم يا احمد ...بيتهيألي صاحب صاحبك كان لازم يقدم تقرير مصور عن تدريبه ....يعني يعمل فيديو عن حالو وهو راكب بالطياره وبعدين مشهد وهو داخل عالشركه مع التركيز على يافطة اسم الشركه ولو عمل شوية مقابلات مع المشرفين على تدريبه ...زياده في المصداقيه:)
أهلا نيسان :)
شكرا للوقوف المعنوي معنا :)
لحتى تشوفوا انه مهندسي البوليتكنك داقوا الأمرين ليتخرجوا .. وهم غير شكل :)
لول
شكرت .. هاي فكرة لإلي .. التقرير اعمله تلفزيوني من مرة :)
قولك هيك بضمن التخرج أو لآ ؟؟
والله يا احمد ما في شي مضمون ...ممكن يقولولك مش انت بالفيديو :)شبيهك مثلاً!!!
لكن اصبروا و رابطوا ...برضو انتو طلاّب علم ولقب مهندس ما بيجي بالساهل,,,الله يوفقك انت وزملائك وزميلاتك وان شاء الله بتتخرجوا كلكم على خير وسلامه
شكرا نيسان :)
يللا كتريلنا هالدعوات ..صرنا بالعشرة الاواخر :)
شكرا مرة تانية لمرورك :)
@Jafra
المدرسات اصلاطن ما في احسن منهم
انا بقصد المدرسين...و بالذات اللي بشتغلو بالسعوديه و تحديدا...ويلا بلاش نحدد خليها ملغومه ...أل يعني :)
يعني ويسبر بالمرة بالمرة ما عم تحكي عن أول واحد علق هون ... صح؟
إرسال تعليق