06‏/07‏/2010

وما أدراك ما البوليتكنك ؟؟

مع كل يوم يمر على .. يزداد اعجابي بكلية الهندسة التكنولوجية - البوليتكنك
في كل مرة تدهشك هذه الكلية بما لا تتوقع

لن أطيل كثيراً .. لكن , هل توقع احدكم ان يذهب ذات صباح ليداوم بالجامعة .. طبيعي
وبعد المحاضرة يتفاجئ بأن المادة قد ألغيت؟؟؟

هذا ما حصل معي البارحة .. فبعد انتهاء لاب المشاغل الهندسية2 .. وبعد مرور أكتر من 14 يوم على الدوام .. ألغيت الشعبة التي أدرس بها لعدم وجود العدد الكافي من الطلاب .. واحنا ننضرب على قلبنا للفصل الجاي


ملاحظة:
البوليتكنك .. بكل عيوبها ... بحبها :)



صورة تجمع أبرز معالم البوليتكنك .. مبنى 17 مع التراكتور الاسطورة وسور باب الدايو


____________________________________
اضافة جديدة

اليوم طلعت جريدة المواد للفصل الاول الجاي
نفس الغلطة الشنيعة كل فصل
عشر مواد بنفس الساعة بحطوها .. وقال التكرار بعلم (....) ... صرلي بسجل 7 فصول معهم ولا مرة تعلموا من خطأهم

هناك 16 تعليقًا:

Whisper يقول...

اعتقد انه قانونا ما بصير يسكرو الشعبه, الا اذا فترة السحب والاضافة شغّاله, عالقليله لتعوضو نقص الساعات اللي صار

الله يعينكم على ما بلاكم....يلا هانت ان شاء الله

sheeshany يقول...

أنا سؤالي شبه الشرير : إنت زعلان و اللا مبسوط بالقرار :]

لبنــــــــــى يقول...

و ما ادراك ما الجامعات الاردنية كلها
يعني هاي العادة ما رح يبطلوها
نفس الشي صار معي و انا سنفورة بالتكنو و كنت اقعد استنى المحاضرة و الدكتور
لحد ما مرق علي مرة واحد بقولي شو بتستني قلتلوا محاضرتي كانت هون
و خبرني انها التغت من 3 ايام ( اللي كنت اقعد فيها استناها )
ما تضحك كنت سنفورة

-_- يقول...

ربنا يعينك

Ahmad M. Al-Mahrouq يقول...

@ whisper

عنا كل شي بصير .. بس يللا هانت ع قولتك
هي صرنا مخلصين 82 ساعة
بس لو ضللو 83 كان احلى :)

Ahmad M. Al-Mahrouq يقول...

هلا هيثم

قال مبسوط قال
جبت 8 من 10 بآخر تمرين بالمشغل
لازم اخبي القطع للفصل الجاي

شكرا لمرورك :)

Ahmad M. Al-Mahrouq يقول...

@ Jafra

حتى بالتكنو؟
فكرناكم احسن حال منا :)

شكرا للدعم المعنوي

Ahmad M. Al-Mahrouq يقول...

@ sharm

شكرا لمرورك :)

Dr.Mohammed يقول...

العب!!!
شو بالنسبة يعني ، حاسسها زي كانهم بحسبو هامش الربح بالمحاضرة و في عندهم
critical number
لازم يتعدو عشان يربحو من الشعبه !!!شو بالنسبة ! يلا سيدي بلا محاضرة روح اطلع بالتركتور و اعملك لفه حول الجامعه !!

اه صحيح ، اهلا تكنو اهلا ، كل الجامعات زي بعضها بس يمكن الاهون بالتكنو انهم ممكن يدمجو الشعبتين مع بعض او حتى يلغوها مش فارقه ، مهو الطالب بتعرف فاضي اشغال ممكن ياخر تخريجو بسهول كمان فصل شو ورى يعني

أشرف محيي الدين يقول...

صباح الخير أحمد

أنا درست بالجامعة الاردنية وبصراحه ماتعرضت لموقف زي هيك بس عن جد بستغرب كتير كيف بعض الجامعات مابتعطي أي اهتمام لطلاب مداومين لأكثر من أسبوعين يعني المفروض انو فترة السحب او الاضافه انتهت ولايجوز الغاء الشعبة تحت اي ظرف من الظروف

شو بدك تعمل ياصديقي هانت كلها 83 ساعه اللي ضايلين :)

نهارك سعيد

Ahmad M. Al-Mahrouq يقول...

أهلا د.محمد

هو هاد أفضل حل .. آخدلي شوطة بالتراتكتور
بس رح تخلص اللفة ب 10 دقايق

Ahmad M. Al-Mahrouq يقول...

صباح النور أشرف

هو اليوم صارت شغلة رح تخليني أغير كل قناعاتي عن مساوئ الجامعة

بس بعيد الشر يضللي 83
ضايلي 78 ساعة

تحياتي

غير معرف يقول...

ابو حميدانت قديم بالجامعة وما بدي احكيلك عن مشاكلها لانه اكيد انت بتعرفها كلها.
بس بالنسبة لشغلة المواد المطروحة على الفصل الاول فهاد كله بسبب سوء الادراة عنا بالجامعة وهاد اقل ما يكمن ان يقال ما بدي احكي فساد لانو ما بنفع نخوض بهاد الموضوع دون ادلة كافية لسبب تاني انو احنا طلاب وهناك جهات مختصة بالفساد هي المسؤولة عن التحقيقات والمتابعة بمثل هاد الموضوع لكن خليني احكي انو سوء ادارة.

بالنسبة للجامعة انا لحقتها سنه كاملة ايام ما كان التسجيل على الورق..الله لا يورجيك البهدلة والشرشحة وقلة القيمة اللي كانت تصير...كنا نطلع ع ال 6:30 من البيت عشان نحجز دور ونلحق الشعب قبل لا تسكر وكنا نوصل ونلاقي طابور كبير قدامنا...ما علينا الحمدلله خلصت هالمشكلة وراحت لحال سبيلها.
هسا احنا عنا مشاكل اسوأ من هيك وهي الشعب الملغية.
مشكلة تانية وهي مواعيد المواد اللي مثل الزفت "اسف ع التعبير بس ما في غيره" يعني بتلاقي مطروح 3 مواد لنفس التخصص ولنفس المستوى وبنفس الموعد. او بمون في بينهم فراغ ابو 4ساعات بدون مبالغة.
يعني المشاكل الادارية والاكاديمية صارت واضحة وما بدها 2 يحكو فيها انو الادارة سيئة جدا.
شغلة مهمة وخصوصا بالصيف وهي الحشرات..يعني انو نلاقي ذبان وبعوض ببعض الاوقات هاد اشي طبيعي اما انو يكون البعوض والذبان في جميع ارجاء الكلية وبكثافة تضاهي مكبات النفاية فهاد شئ غير مقبول ابدا ولن يسكت عنه.
النحل والدبابير متواجد بكثافة في جميع ارجاء الكلية.والنحلة بس تشوفك فتحت علبة بيبسي بتضل تحوم وراك لبيل ما تشرب معك.. وهون يوم الخميس صار معي موقف انو انا بشرب ميرندا حمضيات "مشروبي المفضل" والا بتفاجء انو بعد شوي في اشي غريب دخل ثمي مع الميرندا بزقت كل اشي .... طلعت نحلة داخلة بالعلبة وشكله صارلها زمان بس الحمدلله ما قرصتني...انا اللي بدي احكيه انو لمتى هالمكرهة الصحية رح تنغص علينا حياتنا بالجامعة وهاد السؤال 2 بجاوبو عليه:
1.الطلاب: متى بدكم تحافظو على نظافة جامعتكم؟؟ مثل بيوتكم؟
2. ادارة الجامعة: متى بدكم تسهلو للطلاب البنية التحتية الملائمة واللي بتشجع الطلاب انهم يحفظو على نظافة الجامعة, مش القصد انو تعملو بنية تحتية 5 نجوم, لكن القصد انكم توفرو على الاقل حويات بالجامعة "بدل كياس الزبالة والكراتين اللي بمكبات النفاية ما بستعملوها" ومتى بدكم توفرو مواد تنظيف للطلاب داخل الحمامات مثل الصابون ....الخ الخ.
مكرهة صحية بسبب سوء شركة التنظيف وبسبب قلة نظافة الطلاب. الحمامات مكرهة صحية وحدث ولا حرج عن نظافة الطلاب.
بنهاية كلامي اقول:
البوليتكنك الان مكرهة صحية ويجب التحذير من دخولها حتى اشعار اخر

احمد عايش

غير معرف يقول...

ابو حميدانت قديم بالجامعة وما بدي احكيلك عن مشاكلها لانه اكيد انت بتعرفها كلها.
بس بالنسبة لشغلة المواد المطروحة على الفصل الاول فهاد كله بسبب سوء الادراة عنا بالجامعة وهاد اقل ما يكمن ان يقال ما بدي احكي فساد لانو ما بنفع نخوض بهاد الموضوع دون ادلة كافية لسبب تاني انو احنا طلاب وهناك جهات مختصة بالفساد هي المسؤولة عن التحقيقات والمتابعة بمثل هاد الموضوع لكن خليني احكي انو سوء ادارة.

بالنسبة للجامعة انا لحقتها سنه كاملة ايام ما كان التسجيل على الورق..الله لا يورجيك البهدلة والشرشحة وقلة القيمة اللي كانت تصير...كنا نطلع ع ال 6:30 من البيت عشان نحجز دور ونلحق الشعب قبل لا تسكر وكنا نوصل ونلاقي طابور كبير قدامنا...ما علينا الحمدلله خلصت هالمشكلة وراحت لحال سبيلها.
هسا احنا عنا مشاكل اسوأ من هيك وهي الشعب الملغية.
مشكلة تانية وهي مواعيد المواد اللي مثل الزفت "اسف ع التعبير بس ما في غيره" يعني بتلاقي مطروح 3 مواد لنفس التخصص ولنفس المستوى وبنفس الموعد. او بمون في بينهم فراغ ابو 4ساعات بدون مبالغة.
يعني المشاكل الادارية والاكاديمية صارت واضحة وما بدها 2 يحكو فيها انو الادارة سيئة جدا.
شغلة مهمة وخصوصا بالصيف وهي الحشرات..يعني انو نلاقي ذبان وبعوض ببعض الاوقات هاد اشي طبيعي اما انو يكون البعوض والذبان في جميع ارجاء الكلية وبكثافة تضاهي مكبات النفاية فهاد شئ غير مقبول ابدا ولن يسكت عنه.
النحل والدبابير متواجد بكثافة في جميع ارجاء الكلية.والنحلة بس تشوفك فتحت علبة بيبسي بتضل تحوم وراك لبيل ما تشرب معك.. وهون يوم الخميس صار معي موقف انو انا بشرب ميرندا حمضيات "مشروبي المفضل" والا بتفاجء انو بعد شوي في اشي غريب دخل ثمي مع الميرندا بزقت كل اشي .... طلعت نحلة داخلة بالعلبة وشكله صارلها زمان بس الحمدلله ما قرصتني...انا اللي بدي احكيه انو لمتى هالمكرهة الصحية رح تنغص علينا حياتنا بالجامعة وهاد السؤال 2 بجاوبو عليه:
1.الطلاب: متى بدكم تحافظو على نظافة جامعتكم؟؟ مثل بيوتكم؟
2. ادارة الجامعة: متى بدكم تسهلو للطلاب البنية التحتية الملائمة واللي بتشجع الطلاب انهم يحفظو على نظافة الجامعة, مش القصد انو تعملو بنية تحتية 5 نجوم, لكن القصد انكم توفرو على الاقل حويات بالجامعة "بدل كياس الزبالة والكراتين اللي بمكبات النفاية ما بستعملوها" ومتى بدكم توفرو مواد تنظيف للطلاب داخل الحمامات مثل الصابون ....الخ الخ.
مكرهة صحية بسبب سوء شركة التنظيف وبسبب قلة نظافة الطلاب. الحمامات مكرهة صحية وحدث ولا حرج عن نظافة الطلاب.
بنهاية كلامي اقول:
البوليتكنك الان مكرهة صحية ويجب التحذير من دخولها حتى اشعار اخر

احمد عايش

Ahmad M. Al-Mahrouq يقول...

@ احمد عايش

ما اظن في حكي بعد اللي حكيته!!

المشكلة انه المصاري اللي بندفعها .. وين بتروح؟؟
ليش مايزبطوا فيها؟؟؟

شكرا لمرورك :)

ابوديه يقول...

والله هذا التركتور تعب مع هاي الجامعة.. حتى شكلو نسي ليش نصنع اصلاً