08‏/06‏/2010

شو بيعرفوا عنا؟؟؟

اليوم كنت ببحبش ع تصاميم مواقع .. دخلت ع موقع" انسايت" - الهام- ... وانا عم بتنقل بين التصاميم عجبني واحد .. اسمه حول العالم ب 12 شهر .. في بحدود 7 تصاميم .. متشابه بالوضعية .. انه شخص بسيارة .. السيارة مزينة بشغلات من جو المكان اللي هو بسوق فيه وحسب البلد .. مرة بفرنسا .. ومرة بالمكسيك .. ومرة عند اكلة لحوم البشر بإفريقيا .. ومرة عند العرب والمسلمين..

ولما شفت الصورة اللي عنا .. انصدمت :
شوفوهاتحليلي للصورة .. انه احنا شعب متدين شكلياً بس .. ومن دون ما نفهم .. بإيد مسبحة وبالتانية ارجيلة .. حاطين قرآن قدامنا ع طول وبنفس الوقت همنا الوحيد النسوان .. والتعدد بالزوجات ... وأهم اشي ارهابيين .. اذا انتبهتوا للشخص الملثم اللي عم يقطع البوابة على اليمين لابس سلاح ع ظهره ..

..........................................................................

ع كل اللوم مو عليهم .. اللوم علينا اللي منجيب لحالنا الحكي .. في منهم ما بينكروا افضالنا باللي وصللوا العالم من تقدم متل هاد الفيديو





ودمتم سالمين

هناك 12 تعليقًا:

Rula A. يقول...

مهوه للأسف الناس بتتاخد بزنب شخص واحد.. وبتتعمم الشغله.. ومع الوقت بصير صعب إنو يتغير هالمفهوم عنا من وجهة نظرهم..

Ahmad M. Al-Mahrouq يقول...

واللي بزيد الطين بلة .. انه احنا منسكت وما منوضح الصورة الصح للناس..

شكرا رولا لمرورك

ربى حجازي يقول...

حقهم..جد حقهم
لما تلاقي مليون دعوة على الفيس بوك نطلب منهم بحطولنا هلال رمضان على الجوجل والفيس بوك
حقهم يشوفونا هيك
لما أوبرا عملت حلقة عن الاردن بعد عرض طويل ليوميات إمرأة مسلمة علقت انه عرفنا انه عندكم دومينز بيزا
كمان حقهم
بالمناسبة
في موقع بديع وجميل للتعريف فينا بطريقة راقية اطلقه مجموعة من الشباب
خطوة في طريق تغير صورتهم
http://www.inspiredbymuhammad.com/

Ahmad M. Al-Mahrouq يقول...

صح ربى .. حقهم
لما نتمسك بالقشور والشغلات الفاضية.

بالنسبة للموقع .. ان شالله رح يكون نقطة مضيئة هالمرة .. ان شالله

Farah Batarneh يقول...

و الله خرجنا صراحة ..
ع فكرة لسة مبارح كنت عم اقول انو ليش منلومهم نحنا و احنا للي جايبين لحالنا الكلام و البهدلة .. دور بالعالم ع واحد مش مسلم او مش عربي خليني اقول بيعمل عمايلنا نحنا المستشيخيين و عاملين حالنا انو شو .. يعني ما حدة قدنا .. بس كمان نحنا منقول و منزعل و ما بيعجبنا بس تعوا ناخد موقف؟ ما في داعي .. شكلو الثقة بالنفس عنا زيادة و متطورة لدرجة انو نحنا مو شايفين !!
موفق

Jarat يقول...

لووول والله عندك قوه ملاحظه يا أحمد

السلاح هادي من عادات العرب زمان كانو يشيلو خناجر وسيوف عشان الصيد والحرب
اما الحين العرب بشيلو الخنجر والباروده عشان يقشرلو تفاحه او يسترجل على نتفت عصفور

اقلك الصحيح انا الغرب غايظيني كتير يعني بقولك ارهابي ارهابي مين الي طلع كلمه ارهابي غير امريكا ومين الي خلق صوره الارهابي غير امريكا الله ايعينهم على حالهم جاي على بالي اطلعلك تصميم لبوستر عن امريكا افرجيك ايش الغرب وايش العرب وبيني وبينك لو الواحد يصير بري منهم التنين بكون احسن هههه

احنا الي عنا جهل للاسف العرب بخربطو بين العادات والتقاليد والدين ما بيعرفو يفصلو بين هاي الاشياء واتوقع يمكن اتلاقي الصوره الاكبر بمنطقه الخليج وزي ما قالت رولا الناس بتتاخد بزنب شخص واحد.. وبتتعمم الشغله

اما بالنسبه لموضوع الدين ما اسمعت بالمقوله عن رسول الله محمد-صلى الله عليه وسلم قال-: (يأتي على الناس زمان القابض على دينه كالقابض على الجمر) .

الله يصلح الحال ويهدي هالأمم

Ahmad M. Al-Mahrouq يقول...

@ فرح

عنجد احنا اللي منجيب لحالنا الحكي
منعمل تصرفات ما انزل الله بها من سلطان وكل الاضواء بتتسلط عليها بعدين بفكروها عادة .. ومنحكي ليش بيحكوا علينا؟

شكرا لمرورك

Ahmad M. Al-Mahrouq يقول...

@ جرة عسل

كلامك هو الزبدة .. ما منعرف نفصل بين العادات والتقاليد وبين الدين !!

شكرا لمرورك وتعليقك :)

2Snails يقول...

والله كلامك مزبوط 100% والحق على إعلامنا العربي القوي....

Ahmad M. Al-Mahrouq يقول...

2Snaile
شكرا لمرورك وتعليقك .. ومعك حق الاعلام هو صاحب الآثر الأكبر بأبراز الصور للعالم

Whisper يقول...

مساء الخير احمد

زي ما حكت رولا ان في نماذج ببتاخد كأنها هي بتمثل كل المسلمين والعرب

للاسف هاي وجهه نظر الغرب عنا, وما بننكر انهم بدهم ايانا نبين هيك علشان يكونو المنقذ الاعظم اللي حيطلعنا من العصر المظلم اللي بنعيش فيه.

حتى باوبرا لما جابت عن الاردن و الحجاب, جابو وحده قاعده عالارض و لبسها مش مرتب, انو هي الستات بالاردن, ما اظن اهنا ما لقت ولا نموذج غير هالست بس همه بدهم يبينونا هيك

بس عجبني صور ال 6 ستات و شكله كاتب عليهم الاسماء علشان ما يخربط :)

Ahmad M. Al-Mahrouq يقول...

شكرا ويسبر لمرورك .. ومتل ما حكينا الاعلام هو صاحب الأثر الآكبر بالنفوس .. وخصوصي مع التكرار