28‏/05‏/2010

الفن الصاعد

يجدر بنا الآن تغيير تسمية الفن الهابط .. فهو لم يعد هابطاً
وهو يصعد مع الآيام بالكم الهائل من الجمهور والمتابعين والمعجبين.

موضوعي ليس بالشيء الجديد , وربما انا الشخص المليون الذي يتكلم عن هذه الظاهرة


استغرب حقاً من الاشخاص الذين اعرفهم واعرف مستواهم الثقافي والعلمي , الذين يعجبون بمثل هذه الشخصيات , وهم كثر.

البارحة عرض على احدى القنوات الضخمة فيلم "بوحة"

لا أدر ِ ان كنت انا لا أملك الذوق الرفيع في اختيار ما اشاهد... ولا أحسن تقدير الفن .. فـالفنان "محمد سعد " ... اللي بهز

"عشرطعشر ألف" هزة بالثانية ... لديه آلاف المعجبين ... فمن أنا لآنفده

البارحة كنت اتفرج على الفيلم وأضحك ... ليس للكوميديا اللي بتشرشر منه ... انما من السخافة التي يطرحها ... لا أجد في أفلامه القصة المهمة والتي تستحق عمل فيلم لآجلها ... ولا اجد روح النكتة فيه ... بل بالعكس .. هو يبرز قمة التخلف والهبل بالعالم العربي.

يعني متكلفين على هالفيلم متكلفين ... يعملوا شغلة زي العالم والناس.

ومن فترة سمعت بمطرب أصيل نزل ع الساحة ... "أبو الليف" ... يعني فشر عمرو دياب قدامه !!

ما بعرف شو لازم ينحكى كمقدمة تليق بهيك حنجرة ذهبية ...

لكن بتركم مع مطرب الجيل ... الهضبة ... "أبو الليف"







وشكرا للقراءة :)


هناك 8 تعليقات:

Rula A. يقول...

هلأ أفلام محمد سعد هبله عالآخر وهادا شيئ الكل بتفق عليه.. فيلم إنو إضحك وغير جو وإمشي.. أنا أكتر فيلم بحبو إلو هوه إلي بالي بالك..

بس هدول إلي كل يوم بتسمع بإسم جديد وبكل ثقه بقلك أنا المطرب فلان.. هون الوضع إلي بحزن.. الغناء هاي الأيام صار أغلبو هيك.. وقالوها بدعاية ميلودي الجديده:
إحنا مابنعملش فن.. إحنا بنعمل فلوس..

ربى حجازي يقول...

نعم تكلمنا عن الموضوع كثيرا لكن مالذي تغير ؟؟
من الممكن ان يمنع الفن الهابط..والسطحي والتافه بقرار
وإن لم نكن سمعنا بهكذا قرار بعد لكن ذلك ممكن
أما الغير ممكن فهو تغير ذائقة الناس..
لما تطلع أغنية فيها من الابتذال ما فيها والمغني لا يتورع في أن يقلد صوت الكلب ومشيته .. وترى ان الكل يقلده تتساءل أليس لهم عقول يفكرون بها؟؟
..
وتضطر الفئة القلية ..صاحبة الذوق الرفيع .. أن تتكي على أزمنة أخرى كان لها فنها الذي يستحق أن يسمى فناً
وأن تبحث بين كل هذه القش عن أبرة ذهبيه .. من فن جميل

Ahmad M. Al-Mahrouq يقول...

معك حق رولا ... بدهم يعملوا فلوس مش فن.
المشكلة انه احنا اللي مندفعلهم ... يعني لو مالاقوا انجذاب كبير من لهيك تفاهات ما كان كرروها كل سنة !!

Ahmad M. Al-Mahrouq يقول...

شكرا ربى لمرورك .. هلق القضية انه الفيلم بده يعكس ثقافة مجتمع .. يعني لو واحد حب يتعرف ع الثقافة العربية وشاف بوحة مثلا... شو بده ياخد فكرة عنا؟؟؟

Whisper يقول...

والله اله فترة الفن العربي من هابط لاهبط, قليل ما تشوف اشي بحمل مغزى او بحاكي مشاكلنا اللي بنعاصرها, او ان في مشاكل عريبه احنا ما بنعرفها وصايرين يستعرضوها بهالافلام!!! اشياء غريبه ومجتمعات مقززة

نا مريحه راسي ونادرا ما احضر اشي عربي والاغاني مكنسلة عليهم من زماااااااااااان

سمعت بهاد ابو الليف,, اشي مخزي بصراحه

Ahmad M. Al-Mahrouq يقول...

هلق في هيك وهيك
يعني بصراحة في أفلام ومسلسلات سورية ... بتحاكي مشاكلنا
وقضايانا المعاصرة

اما الآغاني العربية .. أنا بلشت أقلع عنها ... لآنها بصراحة لاتستحق
بس البعض لازم تسمعيه

شكرا ويسبر لمرورك

حمزة الشعراوي يقول...

مساء الخير اخي احمد
بدي ابدأ بجواب على سؤالك, لما واحد يشوف بوحة شو حيعرف ؟
رح يعرف المزبوط
حيعرف انه احنا ناس متخلفين,ذوقنا زي - واعذرني على كلامي - صار زي الكنادر ,الاغاني اللي الواحد بسمعها بتعمس ذوقه و فكره بصراحة,اللي بسمع أبو الليف اللي بيحكيلك ده انا و انا رابط ايدي بلعب بينغ بونغ , و بكون فعلا مبسوط عليه و مكيف عليه و انه هادا فن مزبوط,فاعرف انه هدا عقله بينغ بونغ كمان !
و نص الناس صايرة بلا عقل هلأ !
وعلى فكرة مرة صحابي حضروني فيلم للاخ,حضرته كله,اظن ساعة و نص الفيلم,ما ضحكت فيه غير ثانيتين, الباقي كله تخلف و تخويت و ابتذال تمثيلي بشكل لا يصدق !
يعني الناس بطل عندا اي نوع من انواع الحس الفني الجمالي,لا اغاني زي العالم,ولا كلمات زي العالم,ولاموسيقى زي العالم,ولا أفلام زي العالم و لا تمثيل زي العالم, بس شاطرين يفكروا في الحب اللي بتغنيلنا اياه ميريام فارس !
مع انه كله موجود يا عمي,الافلام الحلوة اللي بتضحك و فعلا تمثيل و اخراج كله موجود (اكيد مش عربي) و الاغاني الحلوة الي كلماتها حلوة وبتراعي انه في اشي اسمو عقل انساني موجودة
الناس عنا عم بزيد التخلف العقلي عندهم بطريقة لا يمكن تصديقها !
آسف اني طولت صديقي,بس حبيت افضفض عندك شوي يعني :)
شكرا لاستضافتني

Ahmad M. Al-Mahrouq يقول...

مسا النور شعرواي .. آسف جدا للتأخر بالرد بس فترة فاينال ... سامحني وادعيلي

المهم .. يعني انت قاعد بقلبي .. هو هاد الكلام اللي كنت بدي اكتبه

شرفتني بمرورك
وضلك طلطل علينا

شكرا مرة تانية