11‏/08‏/2009

روقان


انا اليوم مروق

خلصت اول صيفي باخده بحياتي ...
وصرت قاطع لهلق بالجامعة 51 ساعة ... خلال سنة وحدة وبس !!

هاي مش نردنة ... بس قرفان ... بدي اخلص بأقرب وقت !!
ان شالله .. ب 2012 بكون ماخد بكالوريوس هندسة طاقة كهربائية ... يعني ب 4 سنين بدل الخمسة
بس ان شالله نضل بنفس الهمة


____________________

ما عندي شي ينحكى
لكن انا بأول ما عملت المدونة
عملت استفتاء عن رأي الزوار بالمدونة
والحمدلله , انو الاغلبية كانت شايفتها جيدة

وبس

اول ما يصير اشي جديد بخبركم

سلام




01‏/08‏/2009

نتائج مسابقة " مدونة صيف 2009 "



و مرت الايام .. وانتهت المسابقة

" مدونة صيف 2009"

33 مدونة شاركتنا هالمسابقة الصيفية من نسختها الاولى ,, وان شالله رح يكون في نسخ جدبدة ومطورة للهمسابقة

اول اشي ,,
انا حابب اشكر ال 303 شخص ... اللي قاموا بالتصويت للمدونات اللي بشوفوها هي الافضل
واكيد... لولا وجودهم ما كان للمسابقة معنى ...

كتار هلق عم يستنوا النتائج ....
النتيجة كانت شبه محسومة ...
فكان في 3 مدونات حصلت على تقدم ملحوظ على باقي المدونات ...
وهي:
مدونات بشار البركات ... ومدونة قصص طرمة ... ومدونة eNAS


وبالفعل ...
مع نهاية المسابقة حصلوا على اعلى عدد من اللايكات -ههههههههه-

المرتبة التالتة ... 35 صوت ... لصالح بشار البركات

المرتبة التانية ... 52 صوت ... لصالح قصص طرمة

المرتبة الأولى ... 56 صوت ... لصالح eNAS

الف مبروك لمدونة eNAS الحصول على اللقب !!!!



22‏/07‏/2009

واتى عام ٌ آخر !!!

غدا ً ... سأستقبل عاما ً آخر جديد ... واخيرا ً - صرت 19 - ، وقد انتهى عامي ال18 بشق الانفس!!
لقد كانالعام الأطول على الاطلاق ... و اكثر أعوام عمري احداثا ً ... منها ما هو جميل , وكثير منها المؤلم والحزين...
لا أدر ِ كيف انتهى !!
بس انا مبسوط انو خلص :)

ما اتذكره من احداث في هذا العام , هو انني استقبلت نتيجتي بالتوجيهي بصدمة كبيرة ، فقد كنت متوقعا ً معدل " بالتسعينات" ، وحصلت على
88.6 والحمدلله ، وبعدها استقبلت نتائج القبول الموحد ، وقبلت في جامعة البلقاء التطبيقية - هندسة الطاقة الكهربائية- ... وفي اليوم الثالث من انتسابي للجامعة , نجحت في فحص قيادة السيارة , وحصلت على الرخصة - عقبال العمومي-

وفي هذا العام ، تعرفب على اصحاب كثر ... وفقدت آخرين ...

في هذا العام ... حققت بعضا ً من احلامي ... وضيعت كثيرا ً من الفرص الذهبية لتحقيق بعضها الآخر ، لكني مؤمن بأن الآيام ستأتي لآحقق المزيد !!

ولا أنسى أني وفي هذا العام , انشأت مدونتي الحبيبة aMahrouQ , ، خطوتي الآولى على طريق الإعلام الذي لطالما حلمت ان اكون احد رواده ..

مع هذا فلدي بعض الحزن ، فهذا أول عيد ميلاد لي استقبله دون وجود أمي - المسافرة الى دمشق لحالة طارئة- ، وأتمنى ان تعود بسرعة , فقد ازداد اشتياقي لها !!

انا لا استطيع تحديد مشاعري كليا ً .. فالشعور بالحب والسعادة , والتفاؤل والفرح ممزوج ٌ ببعض من الحزن والكآبة !!

المهم , ليه لهلق ما حدا عايد عليّ؟؟؟