30‏/10‏/2009

محتار كتير

موضوعي اليوم قديم جديد ... وهو التخصص !!!

مش عارف ليش انا هالموضوع قاهرني كتير ...
من بعد ما ارجعت واقتنعت بالكهربة ... رجعت حنيت للتحويل ، وقررت اقدم طلب تجويل بنفس الجامعة ... هندسة مدنية|طرق وجسور ...

انا متشجع لهالموضوع لآنه اله عدة مزايا ...
اهمها حلو وقريب من العمارة ... ممتاز كتير لو كملت معه ماستر "ماركتنج او مانجمنت"... ورح يرفع معدلي بالجامعة ... وكمان 6 صحاب مقربين الي - واللي رح نعمل مشروعنا سوا -تخصصهم مدني !!!
وشجعوني ع هالاختيار ... لآنه اكيد ممكن نكبر شغلنا سوا ... ونعمل شركة النا ... واحلام كتيرة تانية

لكن السيئة الوحيدة اله .. انه رح يروح علي 13 ساعة ... يعني من 68 ساعة رح ارجع 55 ... وهالاشي كمان قاهرني ... مش هاين علي اضيعهم :"(

صاحبي اسلام قللي ... تضيع فصل , وتنجح بإشي بتحبه ... احسن من تضييع 4 سنين بإشي بتكرهه !!!

شو قولكم؟
انا ان شالله رح اقدم الطلب ... ومنشوف شو رح يصير , لآنه هاد آخر فصل ممكن افكر فيه ... بعدها حرام احول , لآني بصير سنة تالتة !!!

21‏/10‏/2009

محاولة

متل ما عودتكم ,, انا متعدد المواهب , ومفاجآتي كتيرة !!!

مش كتيرة كتير يعني ..!!

المهم , في كم بيت شعر من تأليفي , بتمنى لو تعطوني رأيكم فيه :


___________________________________________
سرّ الهوى في سرّ عينيها ... ونار الجوى وقودها مقلتيها
تردي وردتي اشواق النوى ... فتحييها نسمة ٌ من لديها
وتحييني وتحيي الحبّ فيّ ... من بعد موتي من على وجنتيها

تقيّدني بماء نور سرى ... من بين عتمة كحلتيها
تخلصني بطيف طرفٍ جرى ... بقلب قلب ٍ ارتدّ اليها

صوت السما من عُلا عالٍ دعا ... بارك وزد عشقه له عليها


___________________________________________
____________________________
وبهديكم هالاغنية ... لهاني متواسي


18‏/10‏/2009

عندك فكرة ؟؟ ادخل هون

مرحبا ..
متل ما بتعرفوا ... انا بحاول اشتغل بوقت الفراغ اللي عندي
بس للآسف , مش عم بلاقي شغلة منيحة , ترضي غروري , او ما بيقبلوا لآحد الاسباب ...

المهم , طقت براسي شغلة , انه ليه ما اعمل مع صحابي مشروعنا الخاص , ما حدا بيتحكم فينا , منداوم ع كيفنا , وفيه مردود منيح النا وما حدا يشاركنا فيه ...
بالفعل, اتصلت باصحابي وطلعوا هما كمان عم بفكروا بهالقصة , وكانوا بدهم يخبروني بس انا سبقتهم - القلوب عند بعض -

المهم , فكرنا بأفكار كتيرة ... ومنيحة ... ما بدها وقت كتير , واحنا كتار منتقاسم الشغل , وكل واحد عنده مواهبه اللي رح تساعدنا كتير !!!
بس لسة الافكار قيد المناقشة ...
انا مش رح احكيلكم شو الافكار هلق ... خليها بوقتها ...
لكن بدي منكم انكم تساعدونا ,,, اذا عندكم افكار لمشاريع صغيرة مناسبة النا ... ما بدها راس مال كبير ,, ومردودها لا بأس فيه!!
ياريت تكتبولي ياها هون

او ... تبعتوها بأيميل خاص ع
aalmahrouq@gmail.com

ولكم جزيل الشكر

10‏/10‏/2009

عدنا ... والعود "أحمد"

عن جديد
كيفكم؟
ازيكم؟
شلونكم؟
علومكم؟

انا كالعادة .... بغط بغط ... وبرجع , وان شالله تكونوا اشتقتولي هالمرة!!

اليوم قرأت انه مطلوب مذيعين ... فجانبي الاعلامي ألح عليَ بأني أقدم
انا بعتت السي في ع ايميلهم ... وان شالله خير !!
مع اني ما اتوقع يقبلوني لآنه ما معي خبرة ... بس هم لازم يعطوني فرصة لآبين مواهبي الاعلامية والصحفية !!!

المهم ... وقدمت لعدة شركات اني اشتغل معهم لآنه هاد الفصل عندي 100000000 ساعة فراغ
طبعا مش رح اشتغل مدير فرع .... قدمت لقسم customer care

ادعولي تزبط معي شغلة هالمرة ... في كتير مخططات ببالي

اهمها الاعلام ... اكيد ... واكيد كمان الكهربا الها حصة من مخططاتي ... بس للآسف ... مش كبيرة
فأحلامي وطموحاتي اكبر من كيرتشوف !!!


بهديكم هالاغنية

انا بقدم قلبي ... وبقدمها خص نص ... لإنسان صار غالي علي اكتر مما هو بيتصور










Follow me on Watwet الحقوا اخباري ع وت وت من هون

01‏/10‏/2009

اشتقنالكم


مرحبا ...
ما بعرف اذا اشتقتلولي متل ما انا اشتقتلكم !!

المهم , كنت مشغول كتيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر هالفترة الماضية

كنت موعود بشغل ... بس ما زبط معي
كنت بدي اجول تخصصي من كهربة لعمارة ... بس ما زبط معي
حاولت موازي ... رحت ع الاردنية والهاشمية ... بس ما زبط معي ... ما في شواغر
حاولت بالخاصة ... وكمان ما زبط معي
عرفت انه الكهربة ملزقة فيي

ولهيك , بالسحب والاضافة بلشنا الجد ...بحتى اخلص من قرف الكهربة بسرعة ...كنت مسجل 14 ساعة , زدت مادة اختيارية عند "د.رغدة ميشيل عرنكي" كتير بحب هالدكتورة .. بتعطي من قلب ورب .. ومحاضراتها خفيفة ... وشطبت لاب سيركتس - تخصص , هههههههههه - ... وخليت المشاغل ...
وصرت 16 ساعة ... تاني يوم عملت كمان سحب واضافة ... رجعت اللاب , وشطبت المشاغل ...
واليوم عملت كمان سحب واضافة ... وضفت لاب فيزيا 2 ... وصرت 17 ساعة عدا ً ونقدا ً ... وجدول من الآخر ... بس اتنين , اربعا , خميس
يعني مع نهاية هاد الفصل بكون 68 ساعة ... يعني سنة تالتة ... انا يادوب مبلش بالتانية ومع هيك صرت تالتة ... لللللييييييش !!!


وبس